Popular Bible Verses from 加拉太書 5

Share

總係聖靈所結个果子就係：仁愛、喜樂、和平、忍耐、恩慈、良善、信實、 溫柔，㧯節制。這兜事法律毋會禁止。

𠊎愛強調：你等愛順從聖靈个帶領，就毋會滿足自家肉體个情慾。

既然聖靈賜𠊎等新生命，𠊎等就應該順從佢个帶領來行事。

所有屬基督耶穌个人，已經將佢等个肉體，連肉體个一切邪情㧯私慾，攏總釘死在十字架頂了。

情慾个事係盡明顯个，表現在淫亂、垃圾、下流、 拜偶像、行邪術、結冤仇、相爭、怨恨、發譴、自私、分派、結黨、 嫉妒、酒醉、癲狂宴樂，㧯其他這類个事。𠊎以前識警告你等，這下再警告你等：做這種事个人，一定毋會成做上帝國个子民！

兄弟姊妹啊，上帝選召你等，係愛你等成做自由人。總係做毋得用這自由做放縱情慾个藉口，反轉愛用愛心互相服事。

因為肉體个情慾同聖靈彼此對立，互相攻擊，使你等無法度做你等想愛做个。

因為全部法律攏總包含在「惜鄰舍像惜自家」這條命令底背。

𠊎等毋好驕傲，毋好惹對方發譴，抑係互相嫉妒。

為到愛使𠊎等得到自由，基督已經釋放𠊎等了。所以，你等愛企在，毋好俾奴隸个軛再控制你等！