Popular Bible Verses from 出埃及記 2

Share

上帝聽到佢等个求喊，想到佢識㧯佢等个祖先 亞伯拉罕 、 以撒 、 雅各 所立个約。 上帝看到 以色列 人做苦工个情況，非常關心佢等。

過盡多年， 埃及 王死掉， 以色列 人還係過等奴才个生活。佢等向上帝哀求，求佢幫助佢等脫離苦海。

這細人仔長大以後，該婦人家將佢帶到公主面前，公主正式收養佢做自家个孻仔。姖講：「𠊎對水底背將這細人仔拉上來」。姖就㧯佢安到 摩西 。

公主對該婦人家講：「將這孲𤘅仔帶轉去，代𠊎𢱋佢，𠊎會給你工錢。」所以該婦人家就將孲𤘅仔接轉去，養育佢。

國王个妹仔到河壩滣來洗身；姖該兜宮女在河壩滣行來行去。忽然姖看到蘆竹中間有一個籃仔，就喊一個奴婢去拿來。

摩西 長大以後，常常出去看 希伯來 同胞，看到佢等被人強迫做苦工。有一擺，佢看到一個 埃及 人打死一個 希伯來 同胞。 摩西 向左右看，恅到無人注意，就打死該 埃及 人，將屍體埋在沙堆肚。