Popular Bible Verses from Matai 5

Share

Kadrwa ku umawmase ku padalai ku tinaki si la maalralringa pwadringi ki balrungubungu, lri tara malra si pikai ki tatinakiane, ala paledra ki lawacekecekele makanaelre. Laka thadaalrane, kudra ledra numi mialria paledra pikai cucubungu ki umawmase, lani drele ku mathariri ku kakwakudhane numi, si drengedrengere ki Tama numi ka yabelenge.”

“Kunumi yai ledra numi ki yakawmasane. Ku nitucekelane pikai lregelrege kaika amaka dulrwane pakibalai paidringi.

Ku alrivilrivi kabula ku kidremedreme ku umawmase mwaesai turamuru; kwini lalasu lri drele ki Twaumase!

Ku akuli sidrama pangimia ku kidremedreme ki Twaumase ku umawmase ala mwaesai turamuru; ku Twaumase lri pangulwadhanenga liniane!

Ai nau pelaela numiane, kilibaka ki badha numi, si inulri pasikai ki twalilisi numiane.

Ku ngiathathingale ala ka matiakuru ku abakeini ku umawmase ala mwaesai turamuru; amani lini kudra kawkawlu ki kuni ka subelebelenge!

Ku kiasamula pakarawrathudu ki umawmase ku umawmase mwaesai turamuru; ku Twaumase lalalakeli lri iya liniane!

Ku watubitubi tungawngau ki pasalrivane ku umawmase mwaesai turamuru; ku Twaumase lri saasa liniane!

Ku pangiamia ku takidremedremane ki Twaumase si ki hakegai ku umawmase mwaesai turamuru; amaninga kudra kawkawlu ki kuni ka subelebelenge!

Ku mathalrai kilibake ki umawmase ku umawmase ala mwaesai turamuru; ku Twaumase lri pangimiya kathalrai kilibake liniane!

“Lu ngwalai numi ku tatupapalrane nakwane si tusinalrelreme numiane ku palrapalra, la hakegai numiane, la kikawriariva ku ngialisiane ku vaga tupasalrivane numiane, kunumi lri muesai numi turamuru. Kiraragadha kapeaperau, asi lwiyane ikai belenge yakai ku thathatha ku pakalreva ku nipasikaiyane numiane pudringai; kunadruma ku layuginsia mialri kihakegai ki umawmase.”

Ku ngiatatwalebe si kasulrapele ku kidremedreme mwaesai turamuru; lri tarumara ku pinalraingane ki Twaumase ku tacekecekelane!

“Kunumi amani numi ku timu ki laumawmase. Kai timu alaiyasi ngwalrane ku tasangutimwane, kaidu lri dulrunga peela pasangutimu. Kadrwanga ku paluludane, ka acilrianenga sikakathane, lalri kidredredre ki umawmase.

Kunumi kitulrepenga, mia ki Tama numi ka yasubelebelenge ka kiatulrepenge.”

Lu kawriva numi, sanaka unu, unu iya, sanaka ini, ini iya; sana akukalralane kawriva twalainga kudra ki ngialisiane.”

“Kialalranga numi ku miyaiya ki kai ku sabulrwane ku amia kai, ‘Lu kilengethe wabiilri lengethe, lu pararitaiti wabiilri pararitaiti.’ Ai nau pelaela numiane, madha bilribilri papia kudra ki twasinalreme numiane.

Alaiyasi kwini vanale ka macasu la papasalriu muswane, malra batwathe mwalra, si cilri! Adravane ka thithili ku macasu mathaithaaririana paraamuru kudra ki lri makanaelre ku kinawmasane muswadriadringi. Alaiyasi papasalriu muswane kwi vanale ka alrimasu, malra ngetele, si cilri! Adravane ka thithili ku alrimasu, mathaithaaririana paraamuru kudra ki lri makanaelre ku kinawmasane muswadriadringi.”