Popular Bible Verses from Tabekacane 17

Share

Ku Aberame satara 99 ku cailini yai, ku TAMATAMA adrelane iniane. La iya kai, “Amaniaku ku wadulru sanaka manemane ka Twaumase. Lri pasalaladhasu nakwane, kamani ku twakapatengatengaane ka mwalecege ka umawmase.

Twalainga kikai, kwi naganesu kai lri si Aberame, lri si Aberahame, asi lwiyane wacegecegaku muswane kaamani ku tama ki takaalra ka minzuku.

“Lri kecenganaku pangimia kikai kiketeketeli muswane si lamwabaibalrithi muswane; kikai yai palralrawthu ka sakiketeketane. Lrika Twaumasaku muswane si lamwabaibalrithi muswane.

“Ku kiketeketeli muswane ngimiyaiya kai: Lri kamanisu ku tama ki takaalra ka minzuku.

Ai ku Twaumase amia kai, “Ini! Ku taelrelresu ka Sara lri tara pasikai muswane tulalake ku vaeva ku sawvalai, lai lri sunaganesu iniane pasi Isake. Lri tara kecenganaku pasusu ku kiketeketeli iniane si lamwabaibalrithi iniane; kikai yai palralrawthu ka nikiketeketane.

Lri baadhaku muswane si lamwabaibalrithi muswane kikai tasalikaiyananesu kai kadaengane. Kikai kadaengane Kanange lrika tacekecekelane ki lamwabaibalrithi muswane apalralrawthu; la lri kamaniaku ku Twaumase lini.”

Ku Aberahame la pidruru ikai daedae, si mulrakai, ngikakawrivariva, “Ku taraidainga ku caili ku tarudrawdrange lri dulrwana ikai ku lalake? Kai Sara taramabangatenga ku caili, lri maka dulrwana tulalake?”

Ku Twaumase la iya kai ki Aberahame, “Sarai madha iyaiyanga ki taelrelresu; ku naganeini lri pabalrithi si Sara.

Twalainga kikai, sanaka sawvalai numi ka lrulai, paelre kwini yakai ki daanesu kitulalake si langai numi patwalai ki maelane ka kuni ka duri, lu kitulalakenga ki samakavalrulu ka vai, lri tara kigelregelre tulrisi, lri arakai kikai tusapatuthingalane ku takiketeketaneli numiane.

Ai lri tara pangimiaku kudra kiketeketeli muswane si lalakesu ka Isake. Luicaili lumiamia kikai yai, ku Sara lri tulalake ki Isake.”

Twalainga kikai, sanaka sawvalai numi ka lrulai, paelre kwini yakai ki daanesu kitulalake si langai numi patwalai ki maelane ka kuni ka duri, lu kitulalakenga ki samakavalrulu ka vai, lri tara kigelregelre tulrisi, lri arakai kikai tusapatuthingalane ku takiketeketaneli numiane. Ku yakai ki daane numi sanaka sawvalai lri tara kigelregelre tulrisi; kikai yakai ki kinawmasane ka sapatuthingalane ka sapelaelane ka wacegecegaku ku apalralrawthu ku sakiketeketane.