Popular Bible Verses from Tabekacane 15

Share

Ku Aberame masalru ki TAMATAMA, ku TAMATAMA la tumadringelrese iniane ka umawmase.

Sangilribatenga kikai kwidra, ku Aberame yakai ki takipadrelaneini kilalra ki TAMATAMA iya kai iniane, “Aberame, madha mukuludru! Lri palakebaku muswane, baai muswane kwidra maadrau ku pakalreva.”

Ku TAMATAMA la iluku iniane mulatadre, la iya kai iniane, “Ala masiasirara subelebelenge, thaininu kai latariau? Ku mwabaibalrithi muswane lri mia ki tariau ku kalrane!”

La pacungulu, la kilaalranga ki TAMATAMA iya kai iniane, “Kwini duri ka Ilriezere kai lri kamani ku mwacungulu muswane; kathane kwidra kalalakanesu ka sawvalai ku lrika patengatengane ka lri mucungulu muswane.”

Ku TAMATAMA la iya kai iniane, “Tara thingaala, ku mwabaibalrithi muswane lri acaicali mwa ki maelane ka cekele, si lri kituduri ki umawmase, lai lri kitudreadrekase ki umawmase tara 400 ka caili.

Ai ku Aberame tubalre iya kai, “Abebeelengenga ka TAMATAMA! Kikai kadrwa ku lalakeli ku sawvalai, lu baaisu nakwane ku pakalreva manemane ku paluludane? Ku kathane ku lri mucungulu nakwane yai swa Damasekuse ka Ilriezere.

Ku TAMATAMA la ikai kwini ki vai kiketekete ki Aberame iya kai, “Lri baadhaku kikai kadaengane ki mwabaibalrithi muswane, kikai kadaengane twalai ki kadravane ki swa Izipiti daruru kavai kadravane Yuparati

Luka sakasupatenga ku mwabaibalrithi, ku lagaganesu ala lri maka dulru siwlriwlri mwa kikai; asi lwiyane lri mukalavaku lu suetenga ku pasalrivane ki swa Amuri, si kaika apikakwakwanenga kai pathavungu, ala lri pakatwasaku liniane.”