Popular Bible Verses from Maak 2

Share

Yesu fun nu chenani ba pɛɛsi a ŋɔ, “Nibinsa ba naa kpak alaafɛ, ba wara la lure tiin wati, amaa ba naa vɛ kpak alaafɛ, ba waa le la lure tiin wati. N wa wa di n wa yir ba naa nara yir ba nibin werewa. Ba naa nara yir ba nibin tagna daharɛ, mu wa.”

Yesu funɛ zim chenani ba se su un kinkan chen, o fun ŋɔ baal naa nisa awa o naŋgere funɛ sou chen, “Mu be, n waa nibine be funɛ gil i tum tagnau a nyɛ hin.”

“Koosa wa fun te lisi hiisi wuzu ti a ŋɔ nara ni di ba tiŋ un. O funɛ te naami narawa a lisi hiisi wuzu ti a nyɛ ba a ŋɔ di ba tiŋ un.

Ba wa fun koti a kpa un tel doonani Yesu chiŋi chen, domi zɛmɛ funɛ iiu kinkan. Adaha ba fun zini pɛŋ ti daha a hur bɔ, a kpa ŋmɛnsa a vɔti amaŋka ti luksa naasi a kpa un a tu Yesu suwachak ni a li dɛ ti bambaan ni.

N daŋni ma zimu di n waa nibine be kpak kpok a li tɛɛnɛ nɔ maga ni, chen ni mu zi koti a gil nara wu tagna a nyɛ ba.” O fun ŋɔ wichɔɔr ti ni, “Mu sɛm hinu, si chiŋi a zer i kichɔɔli ti a la dama.”

Baal naa naŋgere awa o nisa funɛ sou chen, n ŋɔ un di Koosa gil o wu tagna a nyɛ un koo n ŋɔ un di o si a val, o leema bɔm?

Baal ti fun vaan si chiŋi a zer o kichɔɔli ti a li lalaga. Ba naa funɛ chiŋi a nyini un, o fun ya ba alaazibu kinkan. Ba fun a pɛgi Koosa a ŋɔ, “Ya ha wa na nan see zinan wuzu nɔ.”