Popular Bible Verses from PHILIPPI 2

Share

Dŭhnyah ndai kayuh so atin sibut puan kah so atin miruap sambuh, pak pirapat adŭp ngan buang siraru nyirundeng daya bŭkŭn agi kana dŭ so adŭp ngan. Ka ari ingat pinyiraan daya bŭkŭn, dŭh-i pinyiraan adŭp ngan adŭ.

Asŭng ngan patut brimun ngga asŭng Kristus Jesus

Ayŭh taŭn sawŭ Tapa, pak Ayŭh dŭh an suba bada adŭp-I brimun ngga Tapa. Pak so pinyiraan adŭp-I Ayŭh pasan sopŭrŭg adi-I biyŭn, ka jadi nimun urun. Ayŭh mandŭg darŭm gayŭn manusia ka udip mun manusia. Ayŭh pirapat adŭp-I buang panu aran pimudip adi nurut pinyiraan Tapa ndŭg ka pinyikabŭs, anŭ inŭh pinyikabŭs-I di atuh rigang.

sabab Tapa agi nyiraja di ruang ngan bada angān raan ka tungang tunda pinyiraan-I.

Sabab anŭ, Tapa pakat Ayŭh ka yŭn adi bigatung di sambu ka nggen di Ayŭh adŭn adi bās dŭ so dŭn adi bŭkŭn. Ka sawŭ, yŭn stabi di adŭn Jesus sopŭrŭg adi udip di shorga ngga di ong, ka di ong adi di sagān, re sidikang, ka sopŭrŭg re piagah Jesus Kristus Tuhan, yŭn bragah Tapa Sama.

Ndai sopŭrŭg kayuh dŭh ngga mingungut puan kah bikarit, isa angān dŭh biyŭn sarah ka bisig nimun bara anak Tapa adi sukup kana, adi udip di ruang daya adi arap ka bidosa. Angān dŭh siŭn dŭh nyirinyak di ruang ngara mun bara bitang adi pijawa rangit

Jadi meh, bara dingan ku adi aku rindu, nimun angān siraru tunda pinganang ku sitadŭn aku agi ngga angān, angān jung ka rabis patut tunda pinganang ku madin sitadŭn aku jo so angān. Ndai kraja ngan darŭm taru ka stabi ngga nyukup adŭp ngan yŭn dog nyiramat