Popular Bible Verses from LUKE 11

Share

Sunggu angān arap, angān puan adŭp ngan nggen kayuh kana di anak ngan. Dŭh kah meh Sama ngan adi di shorga rabis an nggen Roh Kudus di ngara adi mite so Ayŭh!”

“Ngapŭi Aku nang: Mite, ka angān re kambat; jiroh, ka angān re dapŭd; gutog, ka tiban re tikuka yŭn ngan.

Amai barang naan adi mite re kambat, ka ayŭh adi jiroh re dapŭd, ka tiban re tikuka yŭn tadŭ daya adi gutog.

Jesus nang di ngara, “Kan angān bidua, nang sakati: ‘Sama: Isa-i adŭn kudus Mai dog kibās. Kaam inŭh adi raja ami. Isa-i Kaam mritah di ong.

Apun dosa ami, nimun kieh apun sarah daya di kieh. Ka dŭhnyah tandah kieh ramah darŭm pinyabah di tika kieh dog pisuba.’ ”

Nggen di kieh barang andu pinguman ami.

Batŭh ngan mbŭh keya ka prita yŭn pŭrŭng. Kan batŭh ngan kana, ndi pŭrŭng ganan ngan mbŭh puno ngga jawa; pak kan batŭh ngan arap, ndi pŭrŭng ganan ngan mbŭh darŭm karŭm.

“Mating daya tung prita ka sukan-i, puan kah na-i di ribo sambong, pak na-i di tunduh rika prita, isa daya kiris jawa-i darŭm ngara mŭrŭt.