Popular Bible Verses from DITRONOMI 1

Share

TUHAN adi Tapa ngan re nguru angān, ka re birawan yŭn ngan nimun adi muko angān kiris Ayŭh birawan yŭn ngan di Egypt, ka di tarun tana-pajam. Angān muko kiris simuki Ayŭh nguru angān ngga siramat ndi aran aran ndŭg tarun ati, nimun sama daya kabis anak adŭp-i.’

Isa-i TUHAN, adi Tapa tayung-babuk ngan, bada angān bitambah siribu kari bagŭ ka mujur nimun adi muko-I janji!

“Darŭm ata gibabŭ di Darŭd Sinai, TUHAN adi Tapa ta nang di ata, ‘Angān mbŭh sukup tui rŭŭ di darŭd ati.

Sopŭrŭg anŭ inŭh tarun tana adi Aku, adi TUHAN, mbŭh bijanji an nggen di babuk ngan Abraham, Isaac ngga Jacob, ka di bara sesang ngara. Panu meh ka ngisi tarun tana anŭ.’ ”

Dŭhnyah marad kan matŭd itong. Ngatur sarah barang naan daya dŭh mien asi asi ngara. Dŭhnyah taru di tadŭ daya, amai pimatŭd itong ngan agi mandŭg so Tapa. Kambŭi agi har adi raru mbar angān ngatur, taban-i ka ku, ka aku re ngatur-i.’