Popular Bible Verses from PINGANDAI 1

Share

Pak angān re kambat kuasa kan Roh Kudus mandŭg ka angān; ka angān re jadi saksi Ku di Jerusalem, di ndi tarun tana Judea ngga Samaria, ndŭg bŭngŭn ong.”

Jesus nam ngara, “Andu ngga tipuh-i, anŭ mbŭh kuasa adŭp Sama Ku ngatur, ka dŭh-i yŭn ngan re puan sinde.

Ka kan ngara tikuruk, Ayŭh nggen di ngara pinganang sakati: “Dŭhnyah bu so Jerusalem, pak kajŭn pinganggen anŭ adi Aku ko kidaan di angān, pinganggen adi Sama Ku ko bijanji an nggen. John baptisa ngga piin, pak dŭh tui te angān re dog baptisa ngga Roh Kudus.”

Sitadŭn pat puru andu, ripas pinyikabŭs-I, Ayŭh agi pinandŭng adŭp-I di ngara darŭm bagŭ masam gaya adi kiren Ayŭh sawŭ udip. Ngara kiris Ayŭh, ka Ayŭh minyu ngga ngara pasar Pinyipritah Tapa.

Ripas-I ko nang sakanŭ, Ayŭh dog paad ka shorga darŭm ngara tingga Ayŭh; ka abun sukan Ayŭh so piningga ngara.

Ngara babŭ nyigura ka rangit tingga Jesus bu, kan duwŭh naan daya nēn piraka buda gŭgŭh agi mijog sindŭk ngara ka nang, “Daya Galilee, mani angān mijog digiti nyigura rangit? Jesus, adi dog paad ka shorga, re pari mun anŭ gŭh nimun adi angān kiris Ayŭh maad ka shorga.”