Popular Bible Verses from San Lucas 23

Share

Ra saa ndikaꞌan Jesús xiꞌin Ndioxi, kachi ra saa: ―Tata, sakaꞌnu ini xaꞌa kuachi na, saa chi kundäa ini na ni ke xa vi na ―kachi ra. Ra saa keꞌe taꞌan ndia soldado kan, ña vaꞌa kundaa ini ndia yoo ku ndia ndakiꞌin tikoto Jesús.

Saa ndakuiin Jesús, kachi ra saa xiꞌin ra: ―Ña ndixa kaꞌan yu xiꞌin kun, chi mii kii vichin koo kun xiꞌin yu nuu nduvi ni kaa ―kachi ra.

Ra saa ndikaꞌan ra xiꞌin Jesús, kachi ra saa: ―Tata, ta xa na ndakiꞌin kun ña kaꞌndia kun chiñu, ra na ndakaꞌan kun xaꞌa yu ―kachi ra.

Ra saa ndiee ka vi nindaꞌyu Jesús, kachi ra saa: ―¡Tata, ndaꞌa mii kun ndataxi yu nima yu! ―kachi ra xiꞌin Ndioxi. Ra ndia tuꞌun yoꞌo ndikaꞌan ra, saa ra ndixiꞌi va ra.

Ra ta ndixaa na iku ña nani Leke Xini Ndìì, ra ikan katakaa ndia soldado kan Jesús ndaꞌa cruz, ra katakaa tu ndia tiaa ndia iyoo ni kuachi va, ra iin ra katakaa ndia ndaꞌa cruz tu ndichi chi xiin kuaꞌa Jesús, ra inka ra katakaa ndia ndaꞌa cruz tu ndichi chi xiin ichin va ra.

Ra ta xa kuu ña kaa uxi uvi kaꞌñu, saa ra kuñaa nuu iinii saa nuu ña yuuvi yoꞌo, ra iin saa ndia ka uni xikuaa. Ñuꞌù, ra iin nundiaa ni va ña, ra nindata sava maꞌñu tikoto ña takaa ini veꞌe ñuꞌu kaꞌnu ñuu Jerusalén.

Ra ta xini ra kuchee nuu ndia soldado ñuu Roma ña kuu, ra saa ndasakaꞌnu ra Ndioxi, kachi ra saa: ―Ña ndixa ke, ra vaꞌa ku ndixa va tiaa yoꞌo ―kachi ra.