Popular Bible Verses from GYƆNI 17

Share

I yɛligu nyɛ la yɛlimaŋni; dinŋɔna kur kyɛ ka yɛlimaŋni wa mari ba, ni ba ti leebi i niriba kasikasi.

Nyɔvuri kan ka tariga wa nŋɔa: ni, ba ti baŋŋi nyini, m Ba, ni, nyin kɔkɔ n nyɛ Naawunni yinni ni yɛlimaŋni; ka laa m‑baŋŋi Yisa Kirisita, nyin ŋɔn tum sɔ la na.

Pa niriba wa kɔkɔ zugu ka n susiri n wunsusigu wa: n susigu laa m‑bɛ ni n‑tiri ninvugseeba zaa ban nin niŋi ma yɛdda zaŋŋi n‑yi ba lahabaari mooligu maa. Ii, m Ba, lala nin kyɛ ka ba zaa leebi yimmu kaman nyini m bɛ ma ni la, ka man gba bɛ i ni: lala ka ba gba nin bɛ ti ni, ka di nin kyɛ ka duniya wa dima baŋŋi, ni, nyin daa tum ma na, ka ba niŋi lala yɛdda.

N susigu pa la, ni, i yiisi ba duniya wa ni, amaa, ni, i ta'ai Sintaani Yɛlibeeri Daana ka kyɛ ba.

Man mun deaai la gyirimaseaa nyin ŋɔn daa zaŋŋi n‑ti ma la ka laa n‑ti n niriba wa. Di nin kyɛ ka ba bɛ yimmu, kaman man ni nyini, m Ba, ŋɔn bɛ la yimmu seem la. Ka n nin bɛ ba ni, ka nyin mun bɛ ma ni. Kyɛ ka ba bɛ ni ni nangbanyinni, ka lala nin kyɛ ka duniya wa dima baŋŋi, ni, nyin daa tum ma na ka man mun wuri niriba wa kaman nyin ŋɔn wuri ma seem.