Popular Bible Verses from II KƆRINTI DIMA 4

Share

Ti siri bu zaŋŋi ti nini n‑kpa la bunseesi an nyari la, amaa an bu nyari maa ka ti gɔsira. Dama bunseesi an nyari ni nini bu ya n‑yuui, amaa an bu nyari muna - anŋɔ nin ti kpalim m‑bɛ ni sahakam.

Ka dinŋɔna ti ku basi tama. Halli ni ti ningbina dɔŋŋni maa zaa yɔri, ti mun sufu ni ti maanni n‑leebri bumpaala beoo kam. Yɛlimugsa mari ti, amaa a bu tibsa ka a mun ku yuui. Ka anŋɔ zaa nin kyɛ ka ti nya tibsim ni gyirima an gaari zaa ka laa n‑ka naari.

Di mugsi ti ya'ari kam, amaa ti bu ŋmirigi. Ti burimna, amaa ka bu basi tama. Ba niŋni ti putoo, amaa ti bu basi yɔri; ba ŋmɛ ti n‑lusi, amaa ti bu sa'am zaa.

Ti siri mari arizikki anŋɔ zaa, amaa ti saani a bɛ la hoo buna ŋɔn bɛ sinsi puuni seem. Ka lala zugu nin wulisi yaa din zoaai pam la yɛla - ni, pa tirima saani ka di yi na, amaa di yi la Naawunni saani m‑paai ti na.

Dama Sintaani n kyɛ ka duniya wa dima nya u n‑gyeemni u, ni, ba Naawunni. U siri kyɛ ka ban ka yɛdda la sufu zoomna, ka bu nyari neesimaŋni: lala neesim maa mun yi la lahabasuŋŋu mooligu ni na - lahabaari zaŋŋi n‑kyaŋŋi Kirisita gyirima, ka ŋɔn Kirisita mun ŋmani la Naawunni deede.

Naawunni daa yɛli, ni, “Kyɛ ka neesim neaai zibsim ni!”: tɔ, ŋɔn Naawunni kyɛ ka u neesim neaai ti sufu ni gba, ni di ti ti ti bamsim zaŋŋi n‑kyaŋŋi Naawunni gyirima din bɛ Yisa Kirisita nindaa ni la.