Popular Bible Verses from Mak 2

Share

Ɛ́makɛ́la Yésus aá lɔ́kɔ́má aáná, mbá ɔsɛ náábɔ́ : « Tɛ́ cáŋa ba-tɛ-kɔnɔ́ bá ŋa bɔ́ áamba muándánána, mbá bɔkɔnɔ́kɔ́nɔ. Ɛ tɛ ɔ́mɔ fáaya ɔ ɔmɛsɛ́ ooci ɔ ɔkɔɔ́lɔ́ŋɔ bɛtálɛ́mánánɔ́ bɛ́ baacɔ, mbá bakɛla maabɛ́. »

Yésus ŋa kɛlá wáa lɛ́ca nyɛnamá anyɛ́ baacɔ eébé ŋa bɔ́ háya mɔŋɔlɛ́ nááyá, mbá ɔsɛ ná asákála : « Ɔɔ́nɔ́, ɛ́ mɔ mɛ́ ɔ nyɛanɛnɛna mɔ́ɔ́wɔ maabɛ́. »

Yésus ŋeé beébe laana tɔ́na ɔsɛ : « Bandɔ́mɛsɛ́ ŋeé télímínyi buɔ́sɛ́ bú ehélúme a asana na bɔmbányɛ bɔ́ ɔɔcɔ, mbá u tɛ ɔ́mɔ́ kɔ́ɔna anyía ɔɔcɔ áŋa yɔɔ́lɛ́ yɛ́ buɔ́sɛ́ bú ehélúme.

Mbá bɔ́ tɛ ɔ́mɔ́ bɔ́ bɔ́ŋɔ ohónyí wú o yiíyi cɔbana eé buúse bú Yésus a asana na nyɛkɔca nyɛ́ baacɔ. Aáná bé ŋe bú yiíyi báátána e cuunyi ɔ ɔmuaná, bɔ́ ŋɔ́ bɔlɔ́ haála ehé Yésus ŋaá bá tálɛ́mɛ́na. Bé ŋé súúnyíki ne tukolí asákála asámbálɛ́ánánɔ́ e nyibúyé.

Ɛ́náʼo, ɛ ŋa mɛ́ aamba núénú ményi anyía *Ɔɔ́nɔ́ u ɔɔcɔ áŋa na makɛ́nda ɔ ɔmɛsɛ́ ma ɔnyɛanakɛnɛna baacɔ maabɛ́. » Mbá ɔsɛ ná asákála : « Hatɔ́na ɛndánáka, hiíte nyiɔ́wɔ nyibúyé, eélúé oówo o ookiʼo. »

Aátɛ́ yɛ́ ŋa hɔ́la ɔnata e ? Ɔlaana asákála anyía : “Ɛ́ mɔ mɛ́ ɔ nyɛanɛna mɔ́ɔ́wɔ maabɛ́”, ayɛ́ʼ ɔkɔɔna anyía : “Hatɔ́na ɛndánáka, hiíte nyiɔ́wɔ nyibúyé, kándáka” e ?

Ɔɔcɔ ŋa hátɔ́na ɔ ɔhatɔna ɛndánáka, baacɔ bekime wuúci lɛcaka ; u ŋé hiite nyíáyɛ́ nyibúyé, u ŋé súéte. Aáná baacɔ bekime ŋe bú kékéke ; bé iínjíékíne Bandɔ́mɛsɛ́ nuúmi, báyɛ : « Tú tɛ ŋá sɔ́ lɛ́ca, ta buɔ́sɛ́, nyɛnamá nyɛ́ asana háyɛ eéyé ! »