Popular Bible Verses from Mat 28

Share

Ánɔ cɔba aná, nu ka kɛlaka anyía baacɔ bá mɔnɔŋɔ mekime á bámɔ́kɔ́na báámɛ baákɔ́nɛ́na, nú beébe ootokine eé nyiínyi nyí Síkíne Bandɔ́mɛsɛ́, na nyɛ́ Ɔɔ́nɔ́ ne nyí *Efúúménénú yí Elilé ; nú beébe éékúnyíki ɔlátɛ́na bɛsana bikime abɛ́ ɛ ŋa mɛ́ banɔ́ tóŋgínyí. Ánɔ bá na mɔŋɔlɛ́ anyía ya mɛ́ŋa na banɔ́ mɔɔ́sɛ́ mekime ɔ ɔkɔɔ́háma a nyɛmana nyɛ́ ɔmɛsɛ́. »

Aáná Yésus ŋeé bíkósíti náábɔ́, mbá ɔsɛ : « Bandɔ́mɛsɛ́ áŋa o mi iínjíénú makɛ́nda mekime me otéŋgínyi na ɔ ɔmuaná noómi na ɔ ɔmɛsɛ́ áyá.

Mbá elilé yɛ́ bɔsɔ́ma eéyé ŋaá táŋɛ́tá, yɔ́ láana beénjú yɛ́sɛ : « Aá banɔ́, nuti líkíméke, i ŋé mi menyi bɔmbányɛ anyía nu ŋa nɔ́ áamba Yésus awɔ́ bá ŋa yáátákɛ́na ɔ ɔmbásá. U tɛ á bá tɔ́na aaha, ú ma háanyua o owé háyɛ u ŋaá kɔ́ɔ́na. Ánɔ faáya, nú ka lɛca haála ehé bé ŋeé fíényínyi úúyé omime áŋa etémbí.

Mbá Yésus ɔsɛ : « Nuti líkíméke, ánɔ cɔba yáaŋa nú kaá láána báámɛ benyíinyí anyía bá cɔba a Kalilé ; hɔ́á bá ká bɔ́ mɛ́ lɛcaka. »

Ɛŋakɛlá ne betéŋínyi beluli nyiínjie na *baáŋá bé Besuif ábɔ́ bɛ́bándákána, bɔ́ lɔ́kɔ́mákána ; bé ŋé bú íínjíé bibulúsu mɔɔnyɛ́ meéŋí, mbá báyɛ náábɔ́ : « Ánɔ kɔɔna nɔsɛ : “Bááyɛ́ baákɔ́nɛ́na ŋe ke bú wuúci éébé nebutúé, basɔ́ e hiiné.” Aáná, mbɔ́kɔ Kɔ́mɛ́na ŋá lɔ́kɔ́ma asana eéyé, basɔ́ tu ŋe sú menyi anyána tu ké sú wuúci cibúnékíne ; aáná nu tɛ ká nɔ́ bɔ́ŋɔ muuyé. » Bibulúsu ŋe bú hiíte mɔɔnyɛ́ eémé, bɔ́ kɛ́láka háyɛ bé ŋeé beébe laákɛ́na. Yaátɛ́ asana bá yánáŋa o obíkéti híáná a asana eéyé ɛ ɛkatɛ́katɛ́ ci Besuif ɔ ɔkɔɔ́háma hɛ́nánɔ eécí.