Popular Bible Verses from Luk 6

Share

Énu íínjíékíne bɔsɔ́ɔ́kɔ́ bɛnyɛ́ma, aáná Bandɔ́mɛsɛ́ káá banɔ́ íínjíékíne tɔ́na bɛnyɛ́ma. Bá káá banɔ́ iínjíékíne nyɛnamá nyɛ́ bɛnyɛ́ma e nyiéŋí anyɛ́ nu tɛ anɔ́ bá nu ɔbɔ́ŋɔ haála há ɔháya. Bandɔ́mɛsɛ́ káá banɔ́ kɛ́laka bɔkɔ búmɔtɛ́ háyɛ nu naŋa nuanɔ́ kɛ́laka bɔsɔ́ɔ́kɔ́. »

Mɔkɛla bɔmbányɛ ŋa kɛ́la bɛmbányɛ bɛ́ bɛsana, anyía yááyɛ́ ambányɛ yɛ́ ɔtɛ́má ŋeé wuúci tɔ́ma o o biíbi kɛla ; mɔkɛla maabɛ́ ŋa kɛ́la bɛɛbɛ́ bɛ́ bɛsana, anyía yááyɛ́ aabɛ́ yɛ́ ɔtɛ́má ŋeé wuúci tɔ́ma o o biíbi kɛla. Yááŋa anyía nyuúté ŋe hémúnyi bɛsana e bí mó nyióyóko ɔ ɔtɛ́má hú mbiɔ́kɛ. »

Mbá ɛ ŋa mɛ́ banɔ́ láana anyía énu lénéke báánɔ́ beliŋine, énu beébe kɛláka bɔmbányɛ, nu beébe foliki, nuti bíkéti anyía bá ká bɔ banɔ́ hélúmúnyínyi. Nu ká nɔ́ bɔ́ŋɔ bɛnamá biéŋí, nuɔ́ bámɔ́kɔ́na baáná bá Bandɔ́mɛsɛ́ fáátɛ ɔ Ɔmuaná, u kɛlaka bɔmbányɛ a aháŋá ná baŋákɔ́ŋákɔ na baŋána.

Ánɔ kɛláka baacɔ bɔmbányɛ ekúlú ekime háyɛ cianɔ́ Síkíne ŋa kɛlá bɔmbányɛ ekúlú ekime a baacɔ bekime. »

« Nuti túméke bɔsɔ́ɔ́kɔ́ tɔkɔma, aáná Bandɔ́mɛsɛ́ tɛ káá banɔ́ túméke tɔkɔma ; nɔtɛ hákɛ́na bɔsɔ́ɔ́kɔ́ eé meébe ma ɛcaná, aáná Bandɔ́mɛsɛ́ tɛ káá banɔ́ hákɛ́na eé meébe ma ɛcaná ; ánɔ nyɛanákɛ́nɛ́na bɔsɔ́ɔ́kɔ́, aáná Bandɔ́mɛsɛ́ káá banɔ́ nyɛ́ánakɛnɛna.

« Mbá ɛ ŋa mɛ́ banɔ́ láana, banɔ́ ba-mɛ-lɔ́kɔ́ma anyía : Énu lénéke báánɔ́ beliŋine, ánɔ kɛláka bɔmbányɛ ná baacɔ a bá ŋaá banɔ́ líŋine, ánɔ sayábákɛ́na baacɔ a bá ŋaá banɔ́ íinjie iŋiné, ánɔ bɛ́cɔ́kɔ́lɔ́kɛ́na Bandɔ́mɛsɛ́ a aháŋá na baacɔ a bá ŋaá banɔ́ tékese.

Aáná bɔkɔ bukime ebú nu ŋe nú léne anyía bɔsɔ́ɔ́kɔ́ á banɔ́ kɛlaka, énu beébe kɛlákɛ́na híáná. »

Ɔɔcɔ ɔ́ yɔ́ɔ waátɛ́na ɔbɛ́lɛ́ a nyɛtáma, nyɛána wɔ́ yɔ́ɔ waátɛ́na tɔ́na ɔbɛ́lɛ́ e eenyi a nyɛ́mɔtɛ́. Ɔɔcɔ ɔ́ hɔ́ɔ́ búɔ́wɔ bɔlaka bú nyiike, eti wuúci kotí ohiite yɔ́ɔ́wɔ aháŋá namuaná tɔ́na. Ɔɔcɔ ɔ́ yɔ́ɔ kɔŋɛna bɔkɔ, wuúci iínjíé ; mbá ɔɔcɔ ɔ́ lɔbɔ́nɔ́ búɔ́wɔ bɔkɔ, eti wuúci batá anyía wó hélúmúnyínyi.

« Ambányɛ yɛ́ atɔ́kɔ́ tɛ ŋáá háá bɛɛbɛ́ bɛ́ bɛtámá ta buɔ́sɛ́, aabɛ́ yɛ́ atɔ́kɔ́ tɛ háá bɛmbányɛ bɛ́ bɛtámá ta buɔ́sɛ́.

Bé ŋe ményi atɔ́kɔ́ ekime a bíáyɛ́ bɛtámá. Yááŋa anyíaʼo, bá naŋa bá tɛ á káta bitoli a yaanda yɛ́ ɛsándá, ta tɔlɔndɔ a nyɛliaŋɛ.