Popular Bible Verses from Shilipu 2

Share

Á bə̀kʼá wɛ̀rhɛ́ kaka ǹdə́ dùnundi ráá cìn-còrhó yé; zəna cìn-lwəl ǹdə́ dwã, sə lò gakó nyǐ ǹ dõ ǹdə ń du mú ta. Lò gakó bə̀ká nyǐ ǹ dúdú yò yé; nyǐ ǹ dwã bɛ́ myɛ yò.

Búlnə ǹdə Yezu Kristə ta ǹdə́ dwã.

Ńmyɛ̌ ń wɔ́ Yi twéé twéé; ńmyɛ̌ ǹdə́ Yi wɔ́ rə̀dù; n jà ń yə̀ tə̀ rə̀myɛ́ yil n zhẽ̌ ń cìn dɛ̃̌ yé. N yẽ̌ ŋwɔ̀nɔ́ kɔ̀bɔ́ ń yà ń zhe mó ne, n zə ń cìn n yə̀ tùntùnnə̀ n twĩ̀ n pə lyì bí ni. Ń jǐrh numbyíní, bə nə mɔ ń yàl numbyíní ǹdə nə́ ta. Ń shɛ̀nɛ́ n lwəl ń cìn tɛ̃´ kɔn gakó wẽ́, kɔn mʼe yí ń cu; n cì də̀-jɔrhɔ́ yó.

bə̀ wɔ́ Yi cìcì rə̀ nʼê twĩ̀ á wẽ́ mùnì ga á ŋwɛ̀nɛ́ á cír kɔn dɛ̀bɛ́ rə̀ wɔ́ rə̀myɛ́ pùbùlə̀ á wɛ̀rhɛ́.

Wɔ́ rə̀myɛ́ yilə, Yi zhẽ̌ ń yó dɛ̃̌, rə ce mo yil dɛ̀bɛ́ rə̀ du yilə né gakó, mùnì ga kɔn dɛ̀bɛ́ gakó rə̀ ŋwɛ́nɛ́ dɛ̃̌, ǹdə́ tɛ̃´ ǹdə́ cɛ y kùr w ga, sə rə wùlì tɛ̃´ rə̀ nə̀dwə́nə́ yó Yezu yé né ń yil lé nyɔ̀mɔ̀ yilə, sə lyì dwí gakó bwə̀l bə byili bə̀ Yezu Kristə wɔ́ Cinu, ń Da Yi còrhó yilə.

Kɔn dɛ̀bɛ́ gakó á gə la wɔ̀rhɔ́, sʼá bə̀kʼá wɛ̀rhɛ́ rɛ ǹdə́ ŋwɔ́ŋwɔ̌ ráá ǹdə́ sɔ̀ yé. Lũ w lyì bí wɔ́ yǔyǔ ǹdə́ lwɛlɛ cìnə́, sə ámyɛ̌ yálna lyì byɛ̀bɛ́ bə̀ bə yò zhe, wu-põ cìnə́; á yə̀ lyì byɛ̀bɛ́ bə̀ wɔ́ Yi byâ nántwə̂rh bə̀ cəcəl wə; á yə̀ pwẽ̀ lyì; á pwẽ̀ dé yə̂r bə̀ púlə́púlə́

À dɔwabá, à gə́ yʼà ŋwɛ́nɛ́ á sõ yi ní, á yʼâ nʼá shɛ̀nɛ́ á zwẽ Yi nyí rí twéé twéé. Èlâsɛ̃´ à kʼâ tɛ̀nɛ́ á sõ yé, sə kɔn mâ bʼâ gwẽ̌ cə̀ə̀lè á shɛ̀nɛ́ á zwẽ rə̀ nyí rí. Twĩ̌nə tùntwə̃̀ə̃̀ nyɛ̀bɛ́ nə̀ mʼa byili bʼâ nɔ vwârh, sʼá wɛ̀rhɛ́ nɛ ǹdə́ ywẽ ǹdə́ wu-zɛ̃̀ɛ̃´