Popular Bible Verses from Zhã 4

Share

Yi wɔ́ Eshirhə; byɛ̀bɛ́ bə̀ nʼê cèrhé re mó mə̂ sə bə cèrhé re bə̀ wun wẽ́ ǹdə́ Eshirhə náàcɛ̀nɛ́ jàn, sə bə cèrhé re ǹdə Byǐ mú gə́ byili ní.”

Sə kɔn bwəlse, rə̀ gaga mɔ́ yúwə́, lyì byɛ̀bɛ́ bə̀ nʼê cèrhé Da mɔ́ zhə̀n zhə̀n mɔ́, bʼa cèrhé mo bə̀ wun wẽ́ ǹdə́ Eshirhə náàcɛ̀nɛ́ jàn, sə bə cèrhé mo ǹdə Byǐ mú gə́ byili ní. Lwarna bə̀ Da mɔ́ wɔ́ lyì bí byɛ̀bɛ́ bə̀ nʼê cèrhé mo èta mɔ́ dwí rí ń nə́ ń yàlá.

Sə lò mɔ̀bɔ́ ǹ nyɔ̀ nɛ̃̌ mɔ́ mɔ̀bɔ́ àmyɛ́ la mɔ́ pɔ mɔ́, nə̀nyɛ̀lsɛ̀ kʼê tʼâ la mɔ́ zal gaga yé. Nɛ̃̌ mɔ́ mɔ̀bɔ́ à la mɔ́ pɔ mɔ́ bʼa jǐrh nə̀-bùlì è nʼê bùl ǹ wẽ́, sə nə̀-bùlì y èmyɛ́ bʼa ce ń zə nyǔ mə̀ tʼâ la zhɔ̌.”

Yezu wɔ̀ mɔ̀: “Ǹ gə yà ǹ yě pɛnɛ́ kɛ̌ ná-dwí yil Yi nʼê yâl rə pɔ̃́, ń jà ǹ yě lò mó mɔ̀bɔ́ ń nə́ ń lwə̀l mó nɛ̃̌ mɔ́ ń la nyɔ́ mɔ́ párá, wɔ́ ǹmyɛ́ ǹ yà ǹ bʼâ lwə̀l mò nɛ̃̌, sə ń yà ń bà n pɔ̃́ nɛ̃̌ mɔ̀bɔ́ mə̀ nʼê pɛ nyǔ.”

Yezu wɔ̀ bɛ: “À kùjú w wɔ́ a wɛ̀rhɛ́ mɔ̀bɔ́ ń twĩ̀ nì mú pùbùlə̀, sʼa twĩ̀ tum dí tɛ̀bɛ́ ń twĩ̀ nì rə̀ yil mó a báásɛ.

Kɛ̃ mɔ́ zɛ̃̀ n wɔ̀ mɔ̀: “Yó-cə́bal, ǹ bə kɔ̌-zwã̌ zhe yé, zhìlí y jʼà lyìmə̀. Yẽ̀ ǹ bʼâ nə nɛ̃̌ mɔ́ mə̀ nʼê pɛ nyǔ mú ní?

Kɛ̃ mɔ́ wɔ̀ mɔ̀: “À yě bə̀ Məshi bànà. (Məshi kùr wɔ́: Kristə.) Ńmyɛ̌ gə túwə́, ń mà n byili nə́ba kɔn gakó.” Yezu wɔ̀ mɔ̀: “Wɔ́ àmyɛ́ mɔ̀bɔ́ à nʼâ zɔ̀m ǹdə́ mɔ́ mɔ́ à wɔ́ Məshi mú.”

“Bànà á nyǐ lò ń byili ni kɔn dɛ̀bɛ́ gakó à wɛ̀rhɛ́. È gə è də̀ ńmyɛ̌ ń wɔ́ Kristə mó?”