Popular Bible Verses from 1 Timote 4

Share

Bə̀ká yẽ̌ lò mə̀dù ga fulsi mú ǹ gə́ wɔ́ bə̀sɔ́bwɛ̀lɛ́ yil yé. Ce ǹ zɔ̀mà nɛ́ ǹdə́ ǹ tùntwə̃̀ə̃̀ né, ǹdə́ ǹ sónó w ǹdə́ ǹ Yi-ni-zhú mú, ǹdə́ ǹ wu-põ w yə̀ myɔrhɔ byɛ̀bɛ́ bə̀ zù Kristə mó gakó yilə.

Lò gə nə́ ǹ wɛ̀rhɛ́ ǹ yala nɛ́ cɛ̀nɛ̀, kɔn càn, sə nə̀ tʼâ sɛ̃ mɔ́ dɛ̃´dɛ̃´ yé. Wɔ́ Yi-ni-zhú kẽkẽ mə̀ zhe kùr du, bə̀ Yi bwəl nyí bə̀ nə́ gə zhí ri kẽkẽ, rə̀ bʼa pə nə́ba nyǔ, èlâsɛ̃´ ǹdə́ byinə nə̀ bə zhɔ̌ zhe yilə.

Dɛ̃̌ ǹ cìn ǹ tùntwə̃̀ə̃̀ né ǹdə́ ǹ kàrmɔ́ wɔ̀rhɔ́ mɔ́ wẽ́. Yál wu-cángá cə́bal rə̀myɛ́ gakó wẽ́. Zhə̀nà, ǹ gə nə́ ǹ wɛ̀rhɛ́ èta, ǹ bʼâ zwẽ ǹmyɛ́ cìcì, ǹdə́ byɛ̀bɛ́ bə̀ nʼê cili ǹ zɔ̀mà nɛ́ mɔ́ ga.

Eshirhə náàcɛ̀nɛ́ nʼê byili pamparɛ̃ɛ̃, bə̀ lyì jàlà mʼa zɛ̃̀ dwã nɛ́ nánkwaá nɛ́ wẽ́, bə yẽ̌ Yi-ni-zhú ni, bə tó kɔma cìnə́ ne bə zwẽ còrhò mɔ̀bɔ́ mə̀ nʼê shí nə̀cílsí námməlwâlsɛ́ sono mó.

Sə́ zhɛ̃̀ kɔma zɔ̀mà nɛ́ nə̀ wɔ́ ǹdə səswalsɛ nɛ mɔ́. Ce jàn nɛ́ ń zə yə̀wâl ǹdə́ Yi-ni-zhú kẽkẽ.

Ce jàn nɛ́ ǹ nə́ ǹ kàrmə̀ Yi zɔ̀mɛ̀ rɛ́ sɛ́bɛ́ rɛ́ ǹ byili Kristə-lyì bí ni, ǹ mə́ ǹ zal bə̀ wun ni ǹdə́ cícú, ǹ mə́ ǹ dɛ̃̀ à twírí yə́.