Popular Bible Verses from San Marcos 7

Share

Runapa shongunpitam lutan yarpaycuna yargamuptinmi manaräpis casaracur majanwannuy puñucun, suwacun, wañuchin, majayog caycar majanwannuy jucwan puñucun, malag, jucpa contran mana alita ruran, engañan, viciucunalaman yarparan, envidioso, jucpa washanta riman, yachragtucun y mana yarpachracog. Chay lapan lutan yarpaycuna runapa shongunpita yargamogmi runata juchäcachin”.

Manam shiminpa yaycunganchu runata juchäcachin, sinöga shiminpa yargamunganmi runata juchäcachin.

Chauraga Jesús niran: “¡Yachragtucogcuna! Tayta Diospa willacognin Isaías rasunpam gamcunapag caynuy capäcunayquipag willacuran: ‘Cay runacunaga shimilanpam respitäpäcaman; shongunchrüga juctam yarparcaycan.

Adoräpäcamanganpis imapäpis manam välinchu. Yachrachipäcun “Cayga Diospa yachrachicuyninmi” nir. Yachrachingancunaga runacunapa mandamientulanmi’.

Gamcuna Tayta Dios mandanganta jaguiriycur runacunapa costumbrilantam rurarcanqui”.