Popular Bible Verses from Lúkạ̃ 10

Share

Líndrí õnjí ꞌdĩ ꞌbá yî rĩꞌá õzõ ótónyî kâtí õjílã zãlé zãzã, kpá ı̣̃nı̣̃ bê rî õjílã cĩlí lâzê-lâzê ró. Gõꞌdá nĩ ró tã kô, gólĩyî lîsí ãnî kô, tãlâ má fẽ drı̣́-ãcê ámákâ trá ãnî drí gólĩyî îzãzó.

Gõꞌdá Kúmú Yésũ drí tã âtázó kĩ nĩ rî, “Márãtã, Márãtã, kậyı̣̂ vósĩ ndrĩ, ní rî zãâ rĩꞌá lı̣̃fı̣́ lôꞌbélé lôꞌbê lôsĩ jó kâ ꞌẽrẽ ꞌá ángô tí yã? Ní ârî drẽ, lôsĩ tãndí kó ĩꞌdî ãlô nõ. Tákõ ĩꞌdî úlı̣́ má drí rĩꞌá âtálâ nõ ârî-ârî lâ ĩꞌdî. Mãríyã lẽ trá úlı̣́ má drí rĩꞌá âtálâ nõ ârílí. Nĩngá sĩ rî, má îcá tã âtálé drílâ kĩꞌá nĩ rî, gólâ õnĩ lôsĩ ãzâ ꞌẽlé rî kô.”

Lãꞌbí îmbá ꞌbá ꞌdĩ lôgõ tã trá kĩ nĩ rî, “Tã îgĩ tã ꞌbãꞌbã Ôvârí kâ ꞌdĩ rî úlı̣́ âtálé ãmâ drí kĩ nĩ rî, ‘Ní lẽ Ôvârí Kúmú áníkâ ró rî pı̣̃pı̣̂sı̣́lı̣́ ãlô sĩ, ánî mbârâkã sĩ ndrĩ, tã ı̣̂sũ-ı̣̂sũ áníkâ sĩ ndrĩ.’ Tã ꞌBãꞌbã Ândâ 6.5 Gõꞌdá kpá, ‘Ní lẽ ánî ãzí-ãzí yî, õzõ ní drí ánî ífífí lẽrẽ kâtí.’ ” Lạ́vı̣̃ ꞌbá yî 19.18

Drílâ úlı̣́ mãnĩgõ ãzâ âtázó õjílã ꞌdî ꞌbá yî drí kĩ nĩ rî, “Nĩ nĩ sı̣́sı̣́ má ágá ꞌálâ tã Ôvârí kâ pẽlé õjílã drí, tãlâ õjílã ãmbá lẽ tã ꞌdî ârílí. Gólĩyî rĩꞌá õzõ ạ́mvú ạ́ngı̣́ ạ̃drúgú lâ drí mvẽlé trá njãâ ꞌẽꞌá ŋõlâ rî, gõꞌdá õjílã ŋõ ꞌbá lâ yû rî kâtí. Gõꞌdá má lẽ nĩ ꞌê rãtáã Ôvârí drí gólâ tíbê ꞌbã ꞌbá õjílã ndrĩ lı̣́pı̣̂ ró rî, gólâ ãâjô ró bê õjílã rĩꞌá õjílã ãzí nõ ꞌbá yî lı̣̃fı̣́ lâ yî îcílí tã gólâkâ ârílí.

Gõꞌdá Yésũ âtâ trá ãgô gólâ lãꞌbí îmbá ꞌbá ró ꞌdĩ drí kĩ nĩ rî, “Tã ı̣̂sũ áníkâ rî íyíkâ ángô tí yã? Õjílã nâ ꞌdĩ ꞌbá yî lãfálé sĩ rî, ãꞌdî pâ ãgô gólâ ngá ôpá ꞌbá drí cãlé rî nĩ yã, tã ꞌẽzó drílâ õzõ áró lâ kâtí rî yã?” Lãꞌbí îmbá ꞌbá ꞌdĩ âtâ trá kĩ nĩ rî, “Cé õjílã ânĩ ꞌbá Sãmárĩyã lésĩ rî ĩꞌdî.” Yésũ kĩ, “Ní gõ ꞌbã ꞌálâ, ní ꞌê kpá õzõ ãgô gólâ Sãmárĩyã lésĩ rî drí ꞌẽlé ꞌdĩ tí.”

Nĩ nĩ, nĩ ndrê ãnî tãndí ró, tãlâ ãnî rĩꞌá õzõ ı̣̃ndrı̣̂ mvá gólâ rĩ ꞌbá lậvũlı̣́ kôrô võ gólâ kíâkêlówá drí ꞌbãzó ꞌá lâ ꞌásĩ rî kâtí.