Popular Bible Verses from Lucas 6

Share

dai i tamien bos será dado: ũa buona medida, ancalcada, sacudida i a arramar para fuora bos botáran ne l regaço; porque cula mesma medida cun que medirdes tamien bos mediran a bós.»

L home buono tira l bien de l bun tesouro de l coraçon, mas l home malo, de l mal tira cousas malas: porque la sue boca fala de l que l coraçon stá carregado.»

Anton, amai ls buossos einemigos, fazei bien i amprestai sien asperar nada; será mui grande l buosso galardon i sereis filhos de l Altíssemo, porque el tamien ye buono pa ls angratos i pa ls malos.

Séiades mezericordiosos, cumo tamien l buosso Pai ye mezericordioso.»

«Nun quérgades julgar i nun sereis julgados; nun quérgades cundanar i nun sereis cundanados; sultai i tamien bos sultaran

«A bós que stais a oubir, digo-bos: Amai ls buossos einemigos i fazei-le bien als que bos ténen rábia. Dezi bien de ls que dízen mal de bós, rezai puls que bos bótan calúnias.

I cumo quereis que las pessonas bos fágan a bós, fazei-le bós l mesmo a eilhas.

Al que te dir nũa cara, apersenta-le tamien la outra; i al que te tirar la capa, deixa-le lhebar la outra roupa. A todo l que te pedir, dá; i al que agarrar l que ye tou, nun se lo tornes a pedir.

«Porque nun hai ũa arble buona que deia fruito malo, nien ũa arble mala que deia fruito buono.

Cada arble conhece-se pul sou fruito; nien de spineiros se puoden colher figos, nien de ls abrolhos se puoden bendimiar ubas.