Popular Bible Verses from Tio 15

Share

Pet aʼ laʼ yansan u xaol jankʼalxh u yol uvaʼ yeʼbʼaʼn laʼ tala, tan een nik tzajk tu taanima. Tan jankʼalxh inqʼa yaabʼla txhaq txumbʼal, tan een nik tzajk tu taanima inqʼa xaol, eche u yatzʼo ibʼ, u yansa ibʼ tuchʼ vaʼt xaol uvaʼ jit ikʼulel tibʼ s-tuchʼ, u yansa ibʼ, tiʼ uvaʼ yeʼ tzʼalonaʼqle, elaqʼ, tzʼeqo tzij, txhuli yol tiʼ imol.

Tan jit aʼ laʼ yansan u xaol tiʼ kam uvaʼ laʼ paloʼk titziʼ. Pet aʼ laʼ yansan u xaol tiʼ kam uvaʼ laʼ jaʼul titziʼ, —xeʼt Jesuus.

«U tenam uvaʼa, tan oqxh ikam toksal inqʼij taʼn. Poro ech koqe, tan sibʼ ateʼl sinkʼatza, tan yeʼ nik motx iqej in. Niketz kuxh motx ibʼutxh tibʼ tiʼ toksal inqʼij. Tan nik taqʼ bʼen s-eche inbʼekʼbʼal inqʼa itxhusuʼm uvaʼ tetz kuxh xaol,» chich viyol quBʼaal Tiuxh, —xeʼt Jesuus.

Yaʼne ech tal Jesuus te u ixoq s-eche: —¡Kamxh axhe, ixoq! ¡Sibʼ bʼakxh u kʼuqlebʼal akʼuul s-viʼ! Echetz toq inbʼante kam uvaʼ qat ajaq s-ve, —xeʼt Jesuus. Tul yekich ibʼan u ixvaak bʼaʼn taʼn Jesuus.

Yaʼne ex iqajbʼa tibʼ u ixoq vatz Jesuus. Tul ech tal te Jesuus s-eche: —¡InBʼaal, bʼan bʼaʼnil s-ve! Tul ¡lotxh in! —xeʼte. Tul ech tal Jesuus s-eche: —Yeʼ laʼ utxhi laʼ inbʼan bʼaʼnil see. Tan aʼ vintenam toq inbʼan bʼaʼnil s-te. Tan bʼane laʼ koq isaʼa uvaʼ, aʼ laʼ qaqʼvat vitxʼix inqʼa nitxaʼ te inqʼa talaq txʼiʼ, —xeʼt Jesuus te u ixoq. Yaʼne tzaqʼbʼ u ixoq. Tul ech tal te Jesuus s-eche: —Echxhte, inBʼaal. Pet nikat isikʼ inqʼa talaq txʼiʼ inqʼa juyaq paan uvaʼ nik isilp kuʼ jaqʼ imeexha u aj etz. Echatetz kuxh toq intxʼebʼte vabʼaʼnil, —xeʼt itzaqʼbʼ u ixoq.