Popular Bible Verses from 1 Kòríntì ŋa 6

Share

È mà si ní è wà kíbí ilé bɛ́, tsí Mímí-Ɔ̀ɖáyé† gbé ńnɔ́‐ɛ̀ si ni nɔ̀. Tsí Ɔ̀ɖáyé ní tse tsí Mímí‐ɛ̀ tì wɔ̀ ńǹtá-ŋɛ́ si#ɛ́. Ńbɛ̀ɛ́, è kè wà nɔ́wɔ́-ara-ŋɛ́ si ró. Ɔ̀ɖáyé kɛ́ owó geregere, tsí ń rà ŋɛ́ ní ɛ̀ŋɛ kó dzɛ́ tòŋu ni. Kíbí ó dzɛ́ bɛ́ɛ̀#ɛ́, iŋɛ́ ɔ̀kã̀lɔ́ɔ̀kã̀ kpó yèé è wà mú ara-ŋɛ́, tsí wà ń tse#ɛ́, iŋɛ́#ɛ́ kó wà nyɛ Ɔ̀ɖáyé.

Nàmí è kè mà ní ɛnɛ yèé wà tse íbàɖí ŋa#á, ìɖì-kã̀ kpókpó kàkó wáa wà fú ŋa nóyè-Ɔ̀ɖáyéè? È máa wà rú ara-ŋɛ́, iŋɛ́ yèé tse#ɛ́, atsìtsekíìtse ŋa gbo, asɛ̃ŋɛ ŋa gbo, agbaya òŋu agbɔkɔ ŋa gbo, ɔnɔkɛ̃̀ɛ̃ yèé náa wà sũ̀ bá ɔnɔkɛ̃̀ɛ̃ ŋa#á gbo, atsolè ŋa gbo, ɛnɛ yèé iŋɛ́ kpó náa kí nódzú si fú ŋa#á gbo, àmɔ̀tíŋɔ́ ŋa gbo, akpe ɛ́kɔ-nɛ ŋa gbo, atsole-iŋɛ́-nɛ ńkpá ŋa gbo, ɔ̀nyà-ìrɔ́ nyɛ̀ŋɛ̀ ŋa kpó#ɛ́, ìɖì-kã̀ kpókpó kàkó wáa wà fú ŋa nóyè-Ɔ̀ɖáyé†.

È tsikpá, tsí e sá fú wérewère tsítse. Iŋɛ́ yèé tse#ɛ́, íbàɖí-òmírɛ̃̀ ɔ̀kã̀lɔ́ɔ̀kã̀ kpó yèé ɔ̀nyà náa tse#ɛ́, kà gbɛ̃ɛ̃́rĩ́ ara-ɛnɛ nyɛ̀ŋɛ̀. Ó ɖi, ɛnɛ yèé wà tse wérewère#ɛ́, ara-tòŋu ká‐ɛ̀ yèé ó kɛ́, tsí ń tse iŋɛ́ nyɛ̀ŋɛ̀#ɛ́, ara#á ní ó wà tse íbàɖí bá#á.

È náa wà fɔ̀ ní: “Ɔ̀nà wà fú àŋa, tsí àŋa kó tse iŋɛ́ yèé ɖé fú àŋa#á.” Ó wà bɛ́ɛ̀. Ó ɖi, kò tsi iŋɛ́ kpó ní sã̀, tsí ɔ̀nyà kó tse#ɛ́. È wà fɔ̀ ní: “Ɔ̀nà wà fú àŋa, tsí àŋa kó tse iŋɛ́ yèé ɖé fú àŋa#á.” Ó ɖi, èmi ǹ kàkó kɔ ara-mi dzɔ̀ɔ́ fú iŋɛ́ kòdzɔkòdzɔ-kã̀ kpókpó, tsí kó nɛ́kpá si ńǹtá-mi.

Ɔ̀ɖáyé dzí Ɔlá-wa ti náàŋírĩ-òkú ŋa wá náyé, tsí nákó dzí àwa gbo ti náàŋírĩ-òkú ŋa wá náyé òŋu ikpá‐ɛ̀.