Popular Bible Verses from 1 Kòríntì ŋa 13

Share

Ɛnɛ yèé náa nɛ́ àmúɖɔ̃̀ fúnɛ#ɛ́, náa nɛ́ àtɛ̀si, tsí náa tsɔ̀nyà gbo. Kà dzowú-nɛ gbo. Kà fɔ afɔ̀ lákṹ lákṹ gbo. Kà kɛ́ ara‐ɛ̀ gbo. Ɛnɛ yèé náa nɛ́ àmúɖɔ̃̀ fúnɛ#ɛ́, kà ɖánɔ́ múnɛ gbo. Kà wo ti ara‐ɛ̀ sɔ̃́ŋú gbo gé. Kà bínɔ́ gbo. Kà mú afɔ̀-nɛ si ńnɔ́ gbo.

Ɛnɛ yèé náa nɛ́ àmúɖɔ̃̀ fúnɛ#ɛ́, náa tóòsũ̀-kó mú iŋɛ́ ɔ̀kã̀lɔ́ɔ̀kã̀ kpó tɔrɛ. Àkaralé‐ɛ̀ kà nyà ńǹtá-nɛ gbo láyé. Náa módzú si nɔ́ɔ̀nà si fúnɛ ńŋɛ́ kpó gbo si gé ni. Bí ó dzɛ́ nɔ́ɔ̀kã̀lɔ́ɔ̀kã̀ gìɖì#ɛ́, náa gbódzú gbo si gé ni.

Ɛnɛ yèé náa nɛ́ àmúɖɔ̃̀ fúnɛ#ɛ́, bí ó rí, tsí à wà tse íbàɖí, ayè kà tɛ́ɛ gbo. Ó ɖi, bí ó rí, tsí à wà tse òtítɔ́, ayè náa tɛ́ɛ.

Báàyí#ɛ́, iŋɛ́ mɛ́ɛta kã̀ŋa wà si, tsí àŋa ní dzɛ́ àkaralé òŋu ká módzú si nɔ́ɔ̀nà si má nára-àmúɖɔ̃̀#ɛ́. Ó ɖi, náàŋírĩ-àŋa mɛ́ɛta#á, àmúɖɔ̃̀ ní kpàtà lé ńǹtá-àtíbɔ̀ ŋa#á.

Àmúɖɔ̃̀ òŋu kò nɛ́ ìkpàkũ. Afɔ̀ yèé agbáfɔ̀-Ɔ̀ɖáyé fɔ̀† ŋa náa gbɔ́ fɔ̀#ɛ́ gbo, ká wí ìlú-òmírɛ̃̀ ŋa gbo, afɔ̀ yèé ŋa àa mà ti nára-Ɔ̀ɖáyé#ɛ́ gbo, àŋa kpó, arũ-ŋa bòkó wáa kũ nɔ́dzɔ́-kã̀.

Màa nyáa wà wí ìlú-ɔ̀nyà ŋa, tsí wà wí ìlú-adzítsɛ́-ɔ̀rɔ̃† ŋa gbo. Ó ɖi, bí ó dzɛ́ ní ǹ kà nɛ́ àmúɖɔ̃̀ fúnɛ, ǹ wà kíbí à náa wà kpa aŋgo nàmí à náa wà mú iŋɛ́ kpa àwò-aɖáàɖí, tsí náa wà ɖɔ̃́ kũkũ bɛ́#ɛ́ gé ni.

Màa nyáa wà gbɔ́ afɔ̀-Ɔ̀ɖáyé fɔ̀, tsí ma ètò ɔ̀kã̀lɔ́ɔ̀kã̀ kpó yèé Ɔ̀ɖáyé tse ɖúkù si#ɛ́, tsí ma iŋɛ́ ɔ̀kã̀lɔ́ɔ̀kã̀ gbo kpó. Màa nyáa nɛ́ àkaralé kpàtàkìì-kã̀ gbo si ńǹtá-Ɔ̀ɖáyé títí bí ǹ wíìnyɛ̀, ni kó tse tsí òkè ŋa kó wà sɔ́. Ó ɖi, bí ó dzɛ́ ní ǹ kà nɛ́ àmúɖɔ̃̀ fúnɛ, ǹ dzɛ́ iŋɛ́-akpotu ni.

Màa nyáa kpɛ̃́ iŋɛ́-mi ŋa kpó bɔwɔ́-olákèmà ŋa. Màa nyáa mú ara-mi gbo fú, tsí n ń nya akpá. Ó ɖi, bí ó dzɛ́ ní ǹ kà nɛ́ àmúɖɔ̃̀ fúnɛ, èrè-kã̀ kpókpó kò wà ńnɛ̀ fú mi.

Náàsòkò yèé ǹ dzɛ́ maɖé tsígíɖí si#ɛ́, afɔ̀ yèé mà fɔ̀ ŋa#á náa dzɛ́ afɔ̀-maɖé, tsí ìsérè yèé mà tse ŋa#á gbo náa dzɛ́ ìsérè-maɖé. Ó ɖi, kíbí ǹ ɖonùgbó#ɛ́, ǹ kɔ arũ-iŋɛ́-maɖé tsítse dzɔ̀ɔ́.