Popular Bible Verses from Mar 11

Share

O le y'a to, ne b'a fɔ aw ye ko n'aw ye fɛɛn o fɛɛn daali Ala fɛ, aw ka la a la ko aw bena o sɔrɔ, aw ben'a sɔrɔ.

Tiɲɛ na, ne b'a fɔ aw ye ko ni mɔgɔ dɔ y'a fɔ kulu nin ye ko: ‹Wili ka bɔ yan ka taga ben kɔgɔji kɔnɔ,› n'o tigi ma sigasiga a dusu la, n'a lara a la ko a ye min fɔ, k'o bena kɛ, o bena kɛ a ye.

K'aw lɔnin to Ala daalili la, n'o y'a sɔrɔ dɔ ye aw hakɛ ta, aw ka yafa o ma janko aw Faa min be sankolo la, o k'aw ka hakɛw yafa fana. [

Yezu y'a fɔ u ye ko: «Aw ye la Ala la.

O kɔ, a ye mɔgɔw kalan ko: «A fɔra Ala ka kuma na ko: ‹Ne ka soo bena kɛ siyaw bɛɛ ka daalilikɛyɔrɔ ye.› Nga aw kɔni y'a kɛ soonw ka yɔrɔ ye.»

Mɔgɔ minw tun be Yezu ɲafɛ ani minw tun b'a kɔfɛ, olu tun be pɛrɛn ko: «An be Ala tanu! Mɔgɔ min be nana Matigi tɔgɔ la, Ala ka barika don o la!

An faa Dawuda ka masaya ɲɔgɔn min bena sigi, Ala ka barika don o la. An be Ala tanu!»