Popular Bible Verses from Zan 15

Share

Ne ye ɛrɛzɛnsun ye, aw y'a bolow ye. Ni mɔgɔ min tora ne fɛ, ni ne fana be a tigi fɛ, o tigi bena se ka baara caaman kɛ. Ala ye, bari ni ne sababu tɛ, aw te se ka foyi kɛ aw yɛrɛ ma.

Aw ye to ni ne ye i n'a fɔ ne be n'aw ye cogo min na. Yiribolo te se ka tigɛ ka to a kelen na ka se ka deen kɛ cogo min na a yɛrɛ ma, o cogo kelen na fana, n'aw ma to ne fɛ, aw te se ka foyi kɛ.

N'aw tora ne fɛ, ani ne ka kuma tora aw kɔnɔ, aw be fɛɛn min fɛ, aw k'o daali aw bena o sɔrɔ.

A ma kɛ ko aw le ye ne woloma, ne le y'aw woloma k'aw bila janko aw ka taga baara caaman kɛ, ani o baara nafa ka to, janko aw mana fɛɛn o fɛɛn daali n Faa fɛ ne tɔgɔ la, a k'o di aw ma.

K'i yɛrɛ nii di i teriw kosɔn, kanuya wɛrɛ te yen min ka fisa n'o ye.

Bolo minw bɛɛ te deen kɛ, a bena olu tigɛ k'o bɔ yen. Ni bolo min be deen kɛ, a bena olu gɛrɛfɛ bolo misɛmanw bɔ, janko a ka se ka deen caaman kɛ ka tɛmɛ fɔlɔ kan.

«Ne ka cii ye nin ye, aw ka ɲɔgɔn kanu i n'a fɔ ne y'aw kanu cogo min na.

Ni aw ye baara caaman kɛ, o le ben'a to n Faa be boɲa sɔrɔ, ani aw fana be kɛ ne ka kalandenw ye.

A y'a fɔ tugu ko: «Ne le ye *ɛrɛzɛnsunsɔbɛ ye, n Faa le y'a tigi ye.

Ni mɔgɔ min ma sɔn ka to ne fɛ, o tigi kɛra i n'a fɔ yiribolo tigɛnin, u b'a fili kɛnɛma a be ja, u b'a ta k'a don tasuma na a be jɛni.

Ne y'o koo nunu fɔ aw ye janko aw ka nisɔndiya sɔrɔ ne fɛ, ani aw ka nisɔndiya kosɔbɛ.

N'aw be ne ka ciiw bato, aw fana be to ne ka kanuya la, i n'a fɔ ne be n Faa ka ciiw bato cogo min na ka to a ka kanuya la.

Ne be min ɲini aw fɛ o ye nin ye: aw ka ɲɔgɔn kanu.»

N'aw tun ye diɲɛ ta ye, diɲɛ mɔgɔw tun bena aw kanu, nga aw te diɲɛ ta ye. Ne le y'aw woloma ka bɔ diɲɛ mɔgɔw la, o le kama, diɲɛ mɔgɔw b'aw kɔniya.