Popular Bible Verses from Mark 9

Share

Yeso gi tɨ́ ŋwə laa, «A sii gì laa faŋ kaꞌ mə yɨ̀ nu? Wə ntɨə faŋ ŋwə nùŋ fwi yi maa Nwi, kɨ kaꞌ nu kee ghɔ̀ꞌ ŋwə me.»

Tɨɨ wee ghɔ́ tɔnə yigwia, gì laa, «Mə nùŋ fwi nyaa maa Nwi. Gaŋtə mə laa mə nuŋ fwi nyaa maa Nwi yinsəŋ!»

Yeso kɨ nii shɔ̀ɔ gə̀ ŋìi taa ŋii. Vɨɨ məzwetə nu ki bitə tɨ́ ŋwə sheꞌ vəŋ vəŋ laa, «Sii nii yɨ̀ kə yia kee kɨɨ fùusə zwitə bwə kì me?» Ŋwə gi tɨ́ vəŋ laa, «Kɨ kaꞌ wə kee fùusə kəŋ zwitə kɔ́ me, tɨ̀ lɨꞌ laa ŋwə shɔ̀ꞌtə ndwàŋ Nwi me.»

Fəŋway bàw. Kɨ luu mfə kee baa kɨ ndɨŋ me, buu sii kaꞌ viŋ yɨ kə laa mfə baa lùu fəndɨŋ? Nɨniŋ, bàw viŋ luu vəndɨŋ yaa fəŋway, dùꞌ nyɔŋ viŋ viŋ.»

«Wə ntɨə faŋ ŋwə ndì wee yaa wee ŋwə̀, kɨ gaŋtə ŋwə maa yizii nyaa, buu ŋwə gaŋtə luu mə,» baa nə laa, «Wə ntɨə faŋ ŋwə gàŋtə mə, gàŋtə luu Nwi faŋ ŋwə nə tɔ̀ŋ mə.»

Yeso baa gì tɨ́ vəŋ laa, «Viŋ zɔ! Mə gì tɨ́ viŋ laa, wə ntɨə faŋ ŋwə kɔ̀ ndaw muu viŋ nu, buꞌ laa viŋ lùu vɨɨ vaŋ, buu kɨ kaꞌ vəkeynə və wə ghɔ́ kee ndɔ ndi me.

Luu nə, wə faŋ ŋwə yɨ̀ laa weembwa mɔ́ꞌ faŋ ŋwə nùŋ fwi yi maa mə, ndi jɨɨ Nwi, nu kɔ́ weꞌ tɨ́ wə ghɔ́, fɨ ghɔ vɨ ndi yiti bee yikwalə, gay me ŋwə, gə̀ mɔ̀ꞌ ŋwə taa mamuu.»

Kɨ ghaŋ yisɨ yə yɨsə a yɨ nu bwə, kɨlə, fùusə. Bàw laa a ndɔ ŋii yifwàŋ Nwi nə yisɨ yimuꞌ, fɨ ghɔ a kii sɨ bɔɔ, vɨ mɔꞌ ghɔ taa wi faŋ lùu shəŋ vəŋku vənsisə vəbwəvə