Popular Bible Verses from Mark 13

Share

Gə fɨ maa viŋ, vɨɨ vənshə ndɔ bee viŋ buꞌ mə. Luu nə, wə ntɨə faŋ ŋwə kà fwi yi zìꞌ tɨ́ vəndwə və vənu vɔ́, ndɔ zɨ məbwey vəlwaŋ.»

Viŋ kɨ shiinə yiŋwaa yiŋ, duꞌ shi nə yikɨꞌ, buꞌ laa viŋ kee kɨɨ nə yighee njyə faŋ ŋkə ndɔ luu me.

Yighee njyə faŋ vɨ ndɔ kɨ jiatə viŋ, gə nə viŋ taa ŋii məshia nsɔꞌ, kɨ viŋ kɨ bɨꞌtə laa viŋ taa gi laa kə me. Viŋ gi sheꞌ nu ŋkɨə faŋ Nwi ndɔ kɔ tɨ́ viŋ maa yighee yɔ́, buꞌ laa kee ndɔ kɨ gisə viŋ me, ndɔ kɨ gisə Zwitə Nwi fɨ shuu viŋ.

Yizɔ ghɔ nsi ndɔ mè, luu nə, yigisə nyaa kee ndɔ mè me.»

«Kɨ ndɔ luu yighee kə, kɨ ndɔ luu shi ŋkɨə, tuu wə muꞌ kee yikɨɨ me. Tuu ŋkee nshiisə-ŋiisə Nwi, tuu ŋkee Wee Nwi, kee yikɨɨ me. Kɨɨ sheꞌ tɨta Nwi nɨnɔŋ wi.

Viŋ zɔ! Yighee njyə faŋ viŋ ndɔ zɔ təghaw nə yumə yighaw, kɨ nduŋ sɨɨ viŋ me. Ŋkə ndɔ ghaa gay nɨniŋ. Luu nə, vəndwə və mbi kee ta yikuꞌ maa yighee yɔ́ me.

Nɨniŋ, viŋ kɨ shi nə yikɨꞌ, buꞌ laa viŋ kee kɨ̀ɨ nə yighee njyə faŋ tɨɨ fu ndɔ jwi me. Kɨ ŋwə jwi maa yighee njyə faŋ vɨ kəə gə nɔŋnə, kɨ ŋwə jwi nɨntəŋ vətuꞌ, kɨ ntoo ŋkɨꞌ, kɨ nshia-ndoo-mbisɨ, kee bàw laa ŋwə ndɔ kɨ jwi, viŋ kɨ bɨbwey me. Nu ŋkɨə faŋ mə nii gì tɨ́ viŋ nə, mə gì tɨ́ vɨɨ vənshə, laa viŋ kɨ shi nə yikɨꞌ.»

Shɨ tɔŋ kɨ gə yighaw maa liŋ wi. Yifwàŋ kɨ gə yighaw maa liŋ wi. Nsi kɨ nəꞌnə vəshəŋ vəshəŋ. Jɨŋ koo mbi. Luu sheꞌ vənzi və ŋɨꞌ yɔ́ nə.

Ntɔŋ yijəə Nwi ndɔ ghaa ziꞌ maa məshɨ mə tɔŋ mənshə, buu vəndwə və mbi kuꞌnə.

Vɨɨ vəyaŋ ndɔ jwi, kɨ tii təzii təvəŋ maa yizii nyaa, gisə laa vəŋ lùu mə, wuu məbweysə wiŋ. Vəŋ ndɔ bweꞌsə vɨɨ vəyaŋ.

Viŋ kɨ lootə yiŋwaa yiŋ. Vɨ ndɔ kɨ jiatə viŋ, kwaŋ taa nsɔꞌ, saŋ viŋ taa ndɔꞌ məshəŋtə vɨɨ Nwi. Viŋ ndɔ tɨŋ vɨsɨ vəgoməna nə vəfwàŋ buꞌ yizii nyaa. Nɨniŋ, vɨɨ vɔ́ ndɔ zɔ nu Nwi shɔ.

Vɨɨ ndɔ fuu kɨ bweꞌsə vɨɨ, gisə laa vəŋ lùu Kristo, wuu məbweysə wiŋ. Vəmɔ́ꞌ gi laa vəŋ lùu vɨɨ məfɨꞌtə yighisə shuu Nwi, kɨ də vəshwenə nə vənu və shuu yɔŋvə maa məbweꞌsə vɨɨ, kɨ mɔŋ maa məbweꞌsə ŋkee vɨɨ mbɨə faŋ Nwi nə shoꞌ laa lùu mbii vɨɨ nə nɨzi.

«Ndɔ luu maa yighee mbi yɔ́, faŋ ŋɨꞌ yɔ́ ndɔ kɨ me, shɨshwi fəŋ, ŋuu kee baa bee me, məjwiŋ shoꞌkə fɨ taa yizɔ, fìŋkə nsi. Nwi ndɔ buulə vəwutə vənshə faŋ mbə yɨsə laa vətɔ vɔ́ kɨ toꞌ fɨ taa yizɔ.