Popular Bible Verses from Matiu 13

Share

Say ŋgɨə faŋ ŋə fìŋkə taa nsi yijəə, lùu yaa wə ntɨə faŋ ŋwə zɔ̀ yigisə Nwi, kɨ̀ɨ nə ŋiꞌ ki. Ŋwə yəəsə ŋgwisə yi, yisay yimɔ́ꞌ kii say waaghɨꞌ, yimɔ́ꞌ muu-ntɔfə, yimɔ́ꞌ muu-ntia.»

Gə fɨ maa say faŋ vɨ mɔ̀ꞌ taa nyawsə nə, lùu yaa wə faŋ ŋwə zɔ̀ yigisə Nwi, luu nə, ywìitə sheꞌ vətɔ və shɨ nsi, vənu və ka bweꞌsə ŋwə nɨzi, kà nu Nwi kɔ́ fɨ taa fwi ŋwə, ŋkə ku, kee yə̀əsə ŋgwisə yi me.

Wə kɨ luu kɨ zɔ nu buꞌ nu yifwàŋ yizɔ, kee kɨ̀ɨ nə ŋiꞌ ki me, buu tɨɨ vəzwitə vəbwəvə taa jwi fi nu kɔ́ fɨ ghɔ ŋwə, faŋ vɨ nii mɔ̀ꞌ taa fwi ŋwə nə. Nu wə ghɔ́ lùu yaa ŋkə ŋgwisə say ghinə faŋ ŋə fìŋ jɨɨ nə.

Gə fɨ maa ŋgwisə say ŋgɨə faŋ ŋə fìŋkə taa shɔꞌ yighɔsə nə, ŋə lùu yaa nu wə faŋ ŋwə zɔ̀ nu kɔ́, bìŋ titi nə məŋaytə. Luu nə, ghay ghi kee ŋìi taa fwi ŋwə me. Ŋwə lùu wə faŋ ŋwə yasə kwiinə. Bètə sheꞌ tɨtiꞌ nee, ŋɨꞌ ŋii maa ŋwə, tɨꞌnə me vɨ shoꞌ ghuu ghi, ŋwə kɨ nii nyɨ̀ŋ fɨ maa nu Nwi.

Yeso nə baa gì laa lee, «Nu yifwàŋ yizɔ lùu yaa ka yaŋ faŋ ŋwə nə luu maa shəŋ vəndɨə, ntaꞌ bii. Wə mɔ́ꞌ jwi ye, baa ndɨ̀ə, ndɔ̀ gə̀ nə məŋaytə, fìŋtə vətɔ vi vənshə, jwì ywàŋ shəŋ nsi kɔ́.

Say mɔ́ꞌ fiŋkə taa nsi yijəə, sɔꞌ, mbuu yisay kii sɨ say waaghɨꞌ, ghɨ-mɔ́ꞌ muu-ntɔfə, ghɨ-mɔ́ꞌ muu-ntia.»

Bàw viŋ meꞌtə say ghɔ́ kɨ ta nə ŋwa taa tey yi, zìꞌ maa yighee njyə faŋ ŋə taa yɔŋ. Ndɔ luu maa yighee yɔ́, mə gi tɨ́ vɨɨ məshia say ghɔ́ laa vəŋ gaasə ŋwa ghɔ́ fɨ maa say, kà təbɨŋ təbɨŋ, twàŋ, buu baytə say ghɔ́, kwàŋ taa yishia mə.»