Popular Bible Verses from Jɔn 19

Share

Yeso swiŋ məluꞌ mbɔ́, ndɔ̀ gì laa, «Ŋkə mè,» mɔ̀ꞌ me wi way muꞌ, kɨ nii yiku.

Yiŋkii kɨ mè, tɨ́ Yeso kɨɨ laa yi mètə vənu vi vənshə, kɨ nii gì laa, «Fwi nyaa yɔŋ.» Nɨniŋ, ŋkə fàynə nə nu faŋ ŋkə lùu taa ŋwaꞌlə Nwi.

Yeso ye nshu wi ghɔ wuu məzwetə nu ki ŋgwə faŋ Yeso nə kàw ŋwə shɔ̀ɔ nə, faŋ vəŋ nə tɨŋnə yifi, ŋwə gi tɨ́ nshu wi laa, «Yaa ŋwaa, ye ŋwiŋ wə nə,» baa kɨ nii bə̀ŋsə gì tɨ́ wuu məzwetə nu ki ghɔ́ laa, «Ye nshu wə nə.» Shù fɨ maa shi kɔ́, wuu məzwetə nu Yeso ghɔ́ ndi nshu Yeso, gə nə ŋwə shiŋii.

Faŋ vəŋ nə jwi zìꞌ maa Yeso, ye laa Yeso nii duꞌtə ŋwə ku. Nɨniŋ, vəŋ kee baa bɨ̀ꞌtə fəŋ ghi me. Luu nə, sogeꞌ mɔ́ꞌ ndi yighaw yi, sɔ̀ way yiŋii Yeso, mənshi nə muu fuu fɨ maa Yeso.

Nu kɔ́ nə gày maa məfaynə maa nu ŋkɨə faŋ vɨ nə nyɔ̀ꞌ taa ŋwaꞌlə Nwi ŋkee fɨshi laa, «Vɨ ndɔ kee bɨꞌ tuu wutə ŋwaa ki me.» Vɨ nə baa nyɔ̀ꞌ maa shəŋ mɔ́ꞌ taa ŋwaꞌlə Nwi laa, «Vɨɨ ndɔ ye wə ntɨə faŋ vəŋ nə ndɨəsə ŋwə.»

Vəŋ gə nɨniŋ, Yeso shaꞌ fəŋkɔꞌ fə ŋkɨꞌsə fi ŋgɨɨ-ŋwə, ndɔ̀ gə̀ nɨniŋ maa shəŋ mɔ́ꞌ faŋ vɨ tii nə shəŋ ghutə tɔ wə. Yizii shəŋ kɔ́ maa ghaŋ Hibru nə luu Golgota.

Vəsoogeꞌ ba yisɔꞌ nə nyawsə laməŋkwi, bèe tɔ Yeso, laa lùu yisɔꞌ vəfwàŋ, ndɔ̀ baa ndì njwi yibay, mɔ̀ꞌ maa ŋwə, laa lùu njwi vəfwàŋ.