Popular Bible Verses from Akts 2

Share

Pita gi tɨ́ vəŋ laa, «Viŋ kwiinə fwi siŋ, fì muu mə Nwi tɔ tɔ, maa yizii Yeso Kristo, laa Nwi ndenə vənu vəbwəvə viŋ faŋ viŋ nə yɨ̀sə, buu viŋ fi Zwitə Ley Nwi, faŋ Nwi taa key viŋ shɔ nə

Vəŋ kɨ nii yiduꞌ, kɨ zɔ nu ŋkɨə faŋ vɨɨ ntɔŋ Yeso deesə tɨ́ vəŋ, baa luu biŋ, ndɔ zɨ fazɨ Mbɔŋ, ndɔ shɔꞌtə Nwi.

Vəŋ vənshə lwaŋ nə Zwitə Ley Nwi, tey kɨ gisə təghaŋ nɨŋkwiŋ nɨŋkwiŋ, faŋ yɨ̀sə Zwitə Ley Nwi kɔ́ laa vəŋ kɨ gisə.

Sheꞌ fɨkɨꞌ nee, gɨ yimɔ́ꞌ jwi fɨ yizɔ yaa ŋkee fɨŋ kwalə, ŋii taa ŋii njyə faŋ vəŋ nə luu shɔ nə, lwaŋ taa ŋii. Vətɔ vəmɔ́ꞌ fuu yaa təkiꞌ tə wi, gàasə, tɨ̀ŋ tɔ wə tɔ wə. Vəŋ vənshə lwaŋ nə Zwitə Ley Nwi, tey kɨ gisə təghaŋ nɨŋkwiŋ nɨŋkwiŋ, faŋ yɨ̀sə Zwitə Ley Nwi kɔ́ laa vəŋ kɨ gisə.

Shi shi vəŋ gə taa ŋii Nwi yikwalə nə fwi yimuꞌ, ndɔ bɨꞌtə bee taa ndɔꞌ vəŋ, zɨ fazɨ nə məŋaytə, baa nə fwi yiley, bəŋsə Nwi. Vɨɨ vənshə ŋaytə maa vəŋ. Nwi baa kùꞌsə nwaa vəŋ shi shi nə vɨɨ faŋ Nwi bwèysə vəŋ nɨzi.

«Nwi gì laa, yi ndɔ tu Zwitə Ley Nwi tɔ vɨɨ vənshə maa vəshi vəndwə, laa vaŋ viŋ, mbə vəndɔŋ nə mbə vəki, ndɔ kɨ naysə yigisə shuu Nwi. Zawə wiŋ ndɔ kɨ ye vəshwenə və Nwi. Gə fɨ maa vɨɨ taa viŋ, njyəəsə ndɔ kɨ shi vəŋ, laa vəŋ ye ŋiꞌ nu Nwi shɔ.

Vɨɨ vənshə faŋ vəŋ nə nùŋ fwi vəŋ maa Yeso Kristo, shəŋtə shəŋ muꞌ, fa vəŋ luu kəmuꞌ. Vəŋ fiŋ ndɨɨsə vəŋ nə vətɔ vəvəŋ, ndì ka ghɔ́, gàasə tɨ́ vɨɨ vənshə faŋ vəŋ kee yikii me.

Ŋkə ndɔ luu maa yighee yɔ́ laa, wə ntɨə faŋ ŋwə ndɔ tii yizii Tɨta ŋwaa-nsiŋ, ndɔ bwey.»

Shɨshwi ndɔ kiasə maa mfiŋsə, ŋuu kiasə maa mənshi, buu shi tɨta Nwi kùꞌ, faŋ luu ŋkee shi kwalə nə shi jəə.