Popular Bible Verses from Mateo 28

Share

“Jáeramo che tae pewe, pekua opaete ɨwɨ rupi. Jare pemboe opaete wae ambɨe ye ye iñee pe uyemɨngeta wae reta yureko waerä cheremimboe retarä,” jei chupe reta. “Pembɨsakambu reta ɨ pe cheRu jee re, jare cheree re, jare Espíritu Santo jee re,” jei. “Jare pemboe reta uyapo waerä opaete che jae pewe wae rupi,” jei. “Mase, che aïta pe reta ndiwe jaeño mái pewa ara taɨkuewa rewa.” Jukuärái Jesús oyokui reta. Jaeño ma.

Jayawe Jesús oya ou jese reta, jare jei chupe reta kuärái: “CheRu umee ma chewe opaete mbaepuere ara pe ñonoï wae reta re jare ɨwɨ pe ñonoï wae reta re,” jei chupe reta.

Jayawe araɨwa jei kuña reta pe: “Awɨye pekɨye,” jei. “Aikuaa pe reta peka peï Jesús umano kurusu re wae. Erëi jae mbaetɨ ma kua pe oï. Echa’ä ikowe ye ma ou umanokue wae reta ipɨte wi kërái jae jeise pewe rami. Mase, peyu pemae jendakue re,” jei.

Jayawe Jesús jei chupe reta: “Awɨye pekɨye,” jei. “Pekua pemɨmbeu chehermano reta pe yuraa reta waerä ɨwɨ Galilea pe. Joko pe cherechata reta kuri,” jei chupe reta.

Jayawe sacerdote itenondewa reta uyembatɨ judío itenondewa reta ndiwe jare uyemɨngeta reta mbae uyapo waerä. Jare opa ma uyemboemboe reta yawe, umee reta jeta korepoti sɨndaro reta pe. Jare jei chupe reta: “Pereta kuri, ‘Jesús jemimboe reta yuweru teöwerenda pe pɨ̈tu yawe, jare oñomi reta Jesús jetekue ore ndoke nduiko rambuewe.’ Jukuärái pereta kuri,” jei chupe reta. “Jare aramoi jeräkua Pilato pe yawe, ore ndoeta chupe kuri pe reta mbaetɨ ko teko penoi. Awɨye piyembɨpɨa’ä kua re,” jei mburuwicha reta sɨndaro reta pe. Jayawe sɨndaro reta uipɨsɨ korepoti jare uyapo jokua judío imburuwicha reta jei wae rupi. Jare jokua jeko pewa ko jekuaeño añawe rewa jeta judío reta jei tëi Jesús jemimboe reta oñomi Jesús jetekue.