Popular Bible Verses from Lucas 5

Share

Jare opa ma oporomboe yawe, jae jei Simón pe: “Eraa ndechalana pea ɨ tɨpɨ wae kotɨ. Jare joko pe nde jare ndeparawɨkɨ ïru reta ndiwe pemombo pepɨsa reta pipɨsɨ waerä pira,” jei chupe.

Jayawe Simón jei Jesús pe: “Oporomboe wae, oreköe ma nduparawɨkɨ tëi. Erëi nduipɨsɨ'ä mbae awe. Erëi añawe nde ndere chewe ramo, tamombo pɨsa reta,” jei chupe. Jare jukuärái uyapo reta yawe, jetaete pira reta uike ma pɨsa reta pe. Jáeramo pɨsa reta umbɨpɨ osoro.

Erëi Jesús jeta wese usɨrɨ chuwi reta, jare oo kïi ngatu wae pe uyerure waerä Tumpa pe jaeño pe etei.

Jáeramo che ayu’ä aeni waerä jupi wae reta. Ayu ko aeni waerä jeko kachi wae reta ueya reta waerä ipɨayemɨngeta jupi mbae wae Tumpa rewa,” jei chupe reta.

Jare Simón Pedro kua uecha yawe, uñeñono itawa re Jesús jowai uipɨu rewe. Jare jei chupe: “CheYa, esɨrɨ mii chewi. Echa’ä che ko jae kuimbae jeko kachi wae.”

Jesús kua uyandu yawe, jei umbɨjaanga rewe chupe reta: “Ikowe katu wae reta ueka’ä iyupe upurupɨano wae,” jei. “Imbaerasɨ wae retaño ko ueka.

Jayawe jae reta opa onoe ichalana ɨ wi ɨwɨtini pe jare joko pe ueya reta. Jare jae nunga wi ueya opaete imbaembae reta yuraa waerä Jesús ndiwe jemimboe retarä.

Jayawe Jesús jare jemimboe reta ndiwe opa yuraa uwäe pëti tëta wasu pe. Jare joko pe ñonoï reta rambuewe, ou owäiti pëti kuimbae ipire okui wae. Jayawe jokua kuimbae parawete uecha Jesús yawe, uñeñono ɨwɨ re Jesús jowai jare ikuasɨ katu rewe jei chupe: “CheYa, nde ndipota yawe, ndepuere chemɨnguera mii jukuärái wi chekɨa mbae aï waerä,” jei chupe. Jayawe Jesús oñono ipo jese jei rewe: “Aipotaete ndekuera waerä. Añawe ekuera,” jei chupe. ¡Jare jupiwoiño kuimbae ukuera imbaerasɨ wi!

Erëitu jesewe jeieteño jeräkua Jesús uyapo wae rewa. Jáeramo jeta wae reta yuweru jae oï wae pe uyapɨsaka waerä jese jare jae umɨnguera waerä imbaerasɨ ñonoï wae reta.