Popular Bible Verses from Lucas 13

Share

“Jeta wae reta uipotata tëi jokua. Erëi ikota chupe reta pëti öke ipɨraɨ wae jeta wae reta uipota tëi uike pɨpe wae rami. Jáeramo piñemɨatangätu pike waerä jokoropi,” jei.

Jare joko pe oï pëti kuña dieciocho año ma aña umɨmbaerasɨ wae. Ikupeatɨ uwata parawete. Mbaetɨ etei ipuere kërái rupi uyemɨsɨmi waerä. Jayawe Jesús uecha yawe, ueni ikotɨ jare jei chupe: “Cherindɨ mii, añawe ndekuera ma nembaerasɨ wi,” jei chupe.

Jayawe Jesús oñono ipo jese. Jare jupiwoiño jokua kuña ipuere uyemɨsɨmi, jare jae umbɨpɨ umbutuicha Tumpa jee.

“Pemandúa kua re: Amokue añawe rupi usiriwe mbae echa ñonoï wae reta, jokua ara Tumpa umbutuichata oï reta kuri. Jae ramiño wi amokue añawe rupi uyembutuichaka ñonoï wae reta, Tumpa umɨmichita oï reta kuri,” jei Jesús chupe reta.

“Echa’ä pëti ara tëta iya uyukendata oï öke chuwi reta. Jare jokua ara kaarueteta ma chupe reta,” jei. “Jayawe pe reta imeño oka pe peï yawe, pemboputa tëi öke jare pereta tëi: ‘OreYa, ipea mii orewe öke.’ “Erëi jae jeita pewe: ‘Che pukuaa’ä etei.’

“Erëi che tae pewe, jukuärai’ä ko. Jare pe reta peya’ä yawe pepɨayemɨngeta jupi mbae wae Tumpa rewa, jae nunga wi opata pekañɨ peï jae reta rami,” jei chupe reta.

“Erëi jae jeita pewe: ‘Che tae pewe, che pukuaa’ä etei. Pe reta ko jae ikawi mbae wae piyapo wae. Pesɨrɨ chewi,’ jeita pewe.

Jayawe Jesús jei chupe reta: “¿Kërái ra uyekuaa Tumpa imbaepuere mburuwicha wasu pewa kua ɨwɨ pe? ¿Mbae re ra yambɨjaangata kërái ra jekuaeño ukuakuaa oo oï?” jei. “Jae ko pëti mostaza jäɨkue raɨ mii kuimbae oñotɨ iko pe wae rami,” jei. “Ukuakuaa jare uyeyapo pëti ɨwɨra. Jare wɨra reta uyapo jaitɨrä jäka rupi,” jei chupe reta.