Popular Bible Verses from Juan 19

Share

Jare Jesús jou ma yawe, jei: “¡Opa ma ayapo. Jae ma!” jei. Jayawe iñäkatindɨ jare jekowe oñono Tumpa ipo pe.

Jayawe Jesús uikuaa opa ma uyapo opaete mbaembae Tumpa ombou uyapo waerä wae. Jayawe jei: “Cheɨwe,” jei. Jukuärái uyapo uyeyapo waerä kërái Tumpa iñeerɨru pe uyekuatía oï wae rupi.

Jare joko pe oï wi Jesús jemimboe jae uauete wae. Jayawe Jesús uecha yawe ichɨ jare jokua jemimboe uyemboɨ ñonoï koiño chuwi, jae jei ichɨ pe: “Chesɨ, joko oï nemembɨraerä,” jei chupe. Joko wi jei jemimboe pe: “Cherɨwɨ, joko oï ndesɨrä,” jei chupe. Jáeramo jokua ara wiwe jokua jemimboe wɨraa jëta pe uyandareko waerä Jesús ichɨ re.

Erëi oya reta Jesús re yawe, uecha reta umano ma. Jáeramo omopë'ä reta chuwi itɨmaka. Erëi pëti sɨndaro uikutu Jesús iyɨke pe ɨwɨra isirowiasɨ wae pɨpe. Jare jukuärái uyapo yawe, oë woi chuwi tuwɨ ɨ ndiwe.

Arakae rupi Tumpa iñee umɨmbeu wae reta uikuatía Upuruepɨ wae imano rewa kuärái: “Ndarau omopë reta chuwi pëti awe ikäwe.” Jare uyekuatía oï wi kuärái: “Umaeta reta kuimbae jae reta uikutu wae re.” Jukuärái arakae uikuatía reta mbae uyeyapota iko Upuruepɨ wae pe rewa, jare jukuärái etei añawe uyeyapo ma.

Jayawe oñono reta Jesús iyatiɨ re kurusu jae uyekutukata jese wae wɨraa waerä. Jare oo joko wi Jesús kurusu rewe. Jare sɨndaro reta wɨraa uruwäe Äkakuerenda jei chupe reta wae pe. Kua ko jee Gólgota judío reta iñee pe.

Jare joko wi sɨndaro reta oñono Jesús iñäka re ñuräti uñeñopekue iñäkarewarä. Jare umɨñepëwa reta Jesús pëti ñepëwaka mborao wae mburuwicha wasu echa oyoyai reta waerä.