Popular Bible Verses from Juan 14

Share

“Añawe che pueya aï pepɨakatu rewe. Kërái chepɨakatu aï rami, jukuärái wi ayapo pewe pepɨakatu waerä añetete pewa. Kua ɨwɨ pewa reta ‘ndepɨakatu,’ jei yandewe yawe, jae reta uyemɨngetaiño ñonoï. Erëi che ayapota pepɨakatu waerä añetete pewa. Jáeramo awɨye pepɨatɨtɨ mbae uasata oï wae re, jare awɨye wi pekɨye chuwi,” jei chupe reta.

Jare Jesús jei chupe: “Che ko jae tape Tumpa kotɨ oo wae. Che ko jae añetete ayemɨngeta Tumpa rewa wae. Cheño ko jae tekowe opa mbae wae amee wae. Jare kiawe ipuere’ä oya cheRu re – jaeño che rupi,” jei chupe.

Jayawe Jesús jei wi jemimboe reta pe: “Awɨye pepɨatɨtɨ. Perowia Tumpa re jare perowia wi cheré,” jei chupe reta.

“Jare outa oï wi jokua Oporomborɨ wae – jae ko Espíritu Santo cheRu ombouta oï pewe cheree re wae. Jare jae ou yawe, pemboeta oï opaete mbaembae Tumpa uipota pikuaa waerä wae re. Jare jae pemɨmanduata oï wi opaete mbaembae che pomboe ma jese wae re,” jei chupe reta.

“Ime yawe kía che jae wae uikuaa jare uyapo wae, jae cherau ko. Jare cheRu uauta jokua cherau wae, jare che auta wi. Jare ayekuaakata chupe kía etei ko che wae,” jei chupe reta.

Jare che aekata aï cheRu pe jae ombou waerä pewe ïru jokua nungaete Oporomborɨ wae oï waerä pe reta ndiwe jaeño mái pewa. Jae ko Espíritu Santo,” jei. “Jae uikuaakata oï pewe añetete wae. Erëi cheré wɨrowia mbae wae reta ndarau uipota Espíritu Santo, echa’ä jae reta uecha’ä jare uikuaa’ä ramo. Erëi pe reta pikuaa Espíritu Santo, echa’ä jae oï pe reta ndiwe jare oïta pepɨa pe,” jei chupe reta.

“Jayawe ipotawe mbae re pe reta piyerure yawe cheRu pe cheree re, che ayapota aï. Echa’ä jukuärái ayapota cheRu jee uyembutuichaka waerä. Piyerure yawe ipotawe mbae re cheree re, che ayapota aï pewe,” jei Jesús chupe reta.

Jare Jesús jei wi jemimboe reta pe: “Pe reta añetete cherau yawe, jayawe piyapota peï che jae wae rupi.

“CheRu jëta pe ime jeta o, jare uepitɨ oï opaete pewarä. Jukuärai’ä yawe, amɨmbeuta tëi ko pewe. Che ata ma aï joko pe ayapɨkatu waerä kiape peïta che ndiwe wae.

Jare opa ma ayapɨkatu yawe, ayu yeta aï puraa waerä joko pe, pe reta wi piko waerä kiape che aïta wae pe.

Jayawe Tomás jei chupe: “OreYa, ¿këraita ra ore nduikuaa jokua tape? Echa’ä ore nduikuaa’ä ketɨ ra ndeota neï wae,” jei chupe.