Popular Bible Verses from Hechos 4

Share

“Jayawe mbaetɨ ye kía ipuere yanderepɨ waerä mbaembae yayawɨ Tumpa kotɨ wae wi. Echa’ä yandeRu Tumpa ombou pëtiño kua ɨwɨ pe ipuere yanderepɨ waerä wae – jae ko Jesús.” Jukuärái jei Pedro chupe reta.

Jayawe, opa ma uyerure reta yawe Tumpa pe, aramoiño umbɨpɨ uñemɨtɨmo chupe reta kiape uyembatɨ ñonoï wae pe. Jare opaete jae reta Espíritu Santo umɨmbaepuere reta. Jáeramo joko wiwe umɨmbeu reta Tumpa iñee ukɨye mbae rewe.

“Añawe, oreRu Tumpa, nde ndikuaa neï kërái jae reta oremumburu ñonoï wae. Jáeramo, oremborɨ mii numɨmbeu waerä niñee ndukɨye mbae rewe, echa’ä ore nduipotaete nduyeyokui ndewe ramo,” jei reta.

“Kua Jesús pe reta perɨ̈ro tëta iyapoa reta pëti ita wɨrɨ̈ro omombo iyuwi reta wae rami. Erëi añawe jae uyeyapo ma chuwi reta ita ikawiete ye wae rami opaete ïru ita reta tëta pewa wi,” jei.

Jayawe mburuwicha reta uecha Pedro jare Juan kërái yepe tëi mokui rewe jeta’ä uyemboe yemboerenda rupi, erëi uyemɨngeta reta ukɨye mbae rewe. Jáeramo mburuwicha reta ipɨakañɨ umae jese reta, jare imandúa reta kërái yurekose reta Jesús ndiwe wae.

Jayawe opaete Cristo re wɨrowia wae reta yureko ipɨa pe pëti ramiño uyerowia rewe. Mbaetɨ pëti awe jae reta ipɨte pe mbaembae umbɨete iyupe reta wae. Opaete mbaembae onoi reta wae umbɨyaoñoi iyupe reta.