Popular Bible Verses from Hechos 17

Share

“Jukuärái Tumpa uyapo, echa’ä jae uipota ɨwɨ pewa reta uikuaa waerä kiawe ko ipuere’ä iko Tumpa mbae. Echa’ä jokua uikuaa reta yawe, aramoi uekata reta Tumpa. Jare ueka reta yawe, aramoi uwäeta reta chupe,” jei chupe reta. “Añetete Tumpa mbɨrɨ'ä oï tëi pëti pëti wae wi.

“Jare pëti kuimbae wiño Tumpa uyapo opaete ambɨe ye ye ɨwɨ pewa reta kiape kiape ñonoï wae rupi. Jare ndei uyekuaa reta mbowe, Tumpa jei ma kiape etei ra yurekota wae jare kërái yawe rewa ra yurekota reta joko pe,” jei.

“Echa’ä jokua Tumpa ko jae imbaepuerete ye wae. Jae ko uyapo ara jare ɨwɨ jare opaete oï pɨpe wae,” jei. “Jae ko ara jare ɨwɨ iYa. Jáeramo ndarau iko tupao reta yande yayapo jae imaerä tëi wae pe,” jei.

Jukuärái jei Tumpa, echa’ä jae uiparawo ma pëti ara outa oï wae opaete ɨwɨ pewa reta yayemboɨ waerä jae jowai. Jare jae uiparawo ma pëti kuimbae jei waerä yandereko re jupi rupi. Jare Tumpa uikuaaka ma yandewe añetete ko jae uiparawo jokua kuimbae, echa’ä umbɨjekowe ye ma ueru umanokue wae reta ipɨte wi.” Jukuärái jei Pablo chupe reta.

“Añetete yawe yande ko jae Tumpa taɨ reta, jáeramo ndarau ikawi yarowia waerä Tumpa ko jae mbae oro pewa, jare korepoti jiero pewa, jare ita pewa. Mase, kuimbae reta iyarakuaa rupiño ko uyapo reta jokua nunga ipo pe,” jei.