Popular Bible Verses from MARKO 16

Share

Ɔɣere ma sɔ, “Mikɛlɛ kayi ɔɖuɖu ame si miɣɛ Ɣaa Itɔ̃me Bielea i maturi ɔɖuɖu ndɛ̃.

Akparĩ wagbe loasiai mma lofɔ maɖe ne. Maabara awawãra, maasa siwarã lalaa maɖi i wũ iyere ame. Maaɣɛ siɖe ɣɛtɛ agbãagbã dzɛ maiɣe fiɛ maisuã. Si mamɔɛ̃ aɣɛ ɣee si manɛ ndu lalaa ne, iibabara ma kuira. Si masia manyɛse nrɔɔ̃ i ati ne, maana isosarɛ.”

Ɔbiara gɔ loafɔ Itɔ̃me Bielea nɛ ɔɖe, fiɛ ɔ̃afɔ Ɣaa itupie kubarara ne, ɔ̃ana iɖi. Ɣɛɛ ngɔ loifɔ ɔɖe ne, Ɣaa to ɔ̃atã wũ kukpi ipɔ.

Ɔ̃ masiaidze ana ɔki nrɔ̃ ɔɖuɖu iso maɣɛ ɔ̃ Itɔ̃me Bielea. Ne Bosate ɔwe i ma ame, ɔsɛgu ma sɔ maɖi ɔ̃ Itɔ̃me Bielea mate iki awawãra agbãagbã wa mabara i ɔ̃ ɔle ame ne.

Ɔporoporoi gɔmɔ ɔɣere ma sɔ, “Midaanigã. Loɣe sɔ Yesu Nasaretse gɔ mapɛ mamatãra i kudziri iso mito mibie. Ɔna i ngbe! Ɔ̃ɔta, ɔpia ngbã! Minyɔ ngbegɔ marara wũ!

Gɔ masɛ i ɔri ne, mato makarɛ so sɔ, “Nna loamɛrɛdza ita ɔɖi i iwo kanya ɔtã bo?” Makarɛ so ngbɔ alasɔ ita siare iɖe. Ɣɛɛ gɔ mabo mmɔ ne, manya sɔ ɔnyiiɔ ɔli ita sɛnɛkɛ̃ra ɔsɛ i kuruɛ. Ne ɔso maso mabo i iwo ame, ne manya ɔporoporoi ɔwɛ̃ si i kuɖearɔ̃ iso, ɔpia awu fudza futututu ne. Makpɛ̃ so.