Popular Bible Verses from MATEO 24

Share

Ara lalaa ibara to iakɔlɛ kato sɔ maturi gbodzoo iisibaɖɔɛ so. Ɣɛɛ mma loaya teteree isɛ iabo kawirikɔ̃ to maana iɖi.

Mato maaɣɛ Sigarakaɖekɔ̃ iso Itɔ̃me Bielea nɛgbe i kayiiso ɔɖuɖu sɔ iaɖe ikparĩ itã nrɔ̃ ɔɖuɖu iso maturi, ne kama ne, kawirikɔ̃ aaba.

Mito mianɔ kakpã gu kakpã iso atɔ̃me i mi kɔrɛ gu kadzorokɔ̃ ɣɛɛ midaamararã so, ara wagbe igbã to aaba ɣɛɛ iite sɔ kawirikɔ̃ ɔɔɣo.

Karɔ̃ kawɛ̃ iso maturi to maakpɛ̃gu karɔ̃ mama iso maturi, sigarakaɖekɔ̃ to siakpɛ̃gu sigarakaɖekɔ̃, kukã gu karɔ̃ iti to iaba i karɔ̃ agbãagbã iso. Nwagbe ɔɖuɖu se lɛ kuɣe iɖoɖo ibo ɖeakatɔ̃.

Kato gu karɔ̃ to kaafe, ɣɛɛ wũ atɔ̃me iibafe anya.

Alasɔ maturi gbodzoo to maasu wũ iyere maba maaɣere mi sɔ, ‘Mme nɖe Kristo,’ fiɛ maasɔsɔla maturi gbodzoo.

“Mato maamɔɛ̃ mi matã makpadzɛ̃ kutsue fiɛ maaɖoe mi. Nrɔ̃ ɔɖuɖu iso maturi to maatsiri mi ala wũ ɔso. Maturi gbodzoo to maasɛ̃ ma kafɔkaɖe ku ɔwi gɔmɔ ame fiɛ maaɖi ma malaa matã, matsiri so. Mila kanyamaɖidze gbodzoo to maabɔrɛ masɔsɔla maturi gbodzoo.

Yesu ɔɣere ma sɔ, “Midzuɛ̃ so sɔ kuwɛ̃ iibasɔsɔla mi.

Ne ɔso mi wũ midzuɛ̃ so alasɔ Ɔturi Awune Ɔbi to ɔ̃aba ku ɔwi gɔ miito minyɔ wũ ɔri ame.

“Ne ɔso midzuɛ̃ so alasɔ miiɣe iyi nɛ i Bosate aaba.

“Kuwɛ̃ iiɣe iyi ɣee ɔwi gɔ i nwagbe aaba. Ɣaa makpabo ma i kato, ɣee Ɔturi Awune Ɔbi kɔra iiɣe iɖo wũ Ɔse ɔnɔwɛ̃ nɣe.

Alasɔ mila ma Kristo gu kanyamaɖidze to maaba. Mato maabara awawãra siare gu ara wa loabara maturi ɣii sɔ si masu masɔsɔla ta mma nɖe Ɣaa maturi si maawo.

Ɔturi Awune Ɔbi iba to iase lɛ kumɛgɔ i Noa ɔwi ɔse awe. Si kado aaba ɔ̃apɛ ndu ayi minina kayiiso ɔɖuɖu ne, maturi ɔla maɔɖe ara maɔnɛ ndã, marɛrɛ̃ gu marɔ̃go to mayiri so gbɔgbɔɔgbɔ iyi nɛ i Noa ɔya ɔbo i ɔkolo ame. Ɣɛɛ maitsue nnɛ nto iba gbɔgbɔɔgbɔ ndu ɔyi miba miasore ma ɔɖuɖu miruigu. Ngbɔ ame i Ɔturi Awune Ɔbi ɔbawi ana aase ne.