Popular Bible Verses from Matie 21

Share

Sɛ ɛmɔ le dedi a, like biala mɔ ɛmɔ kɔ bisa yɩ́ mmʋtʋɛ nɩn anun'n, ɛmɔ asa 'kan yɩ́.”

Zozi nwan: “Mɩɩn kan yɩ́ ananhɔlɛ mɩn kele ɛmɔ kɛ sɛ ɛmɔ le dedi mɔ ɛmɔ dedi'n jin yɩ́ ja nun'n, mɔ m'an yɔ figi baka ɛhɩ'n, ɛmɔ 'ba hʋala yɩ́ yɔ, ɛsɛ bɔbɔ sɛ ɛmɔ se bʋka ɛhɩ kɛ: ‘Tu wɔ́ bʋ ɛwa, tutu kɔ tɔ jenvie nɩn anun’ an, ɔ 'kɔ.

Bɛ́ mɔ bɛ li bɛ́ nyunnun'n ɔ nʋn bɛ́ mɔ bɛ li Zozi anzin'n kɔ bɔ kɔ sulo. Bɛ́ nwan: “Hozanna! Nyila hán belemgbin *Davidi Awa'n! Nyila hán sʋanlan ɛhɩ m'ɔ lɛ ba wɔ yɛ́ Mɩn dunman nun'n! Hozanna! Nyila hán Nannan Nyanmɩan m'ɔ wɔ anwunno anwunno ɛlɔ'n!”

M'ɔ hanlɩn bɛ́ ninnge'n-mɔ gualɩ yuelɩ'n, yɩ́ nwan: “Nyanmɩan Anʋan Ɛjɔlɛ'n lɛ kele kɛ: Bɛ 'ba fɛlɛ mɩ́n sua'n mmʋtʋɛ sua. Nan ɛmɔ dɩɛ, ɛmɔ a fa a kaci awue sua !”

Nyanmɩan nwan: Kan kele Siʋn amma'n-mɔ, ɛmɔ nɩ́an, ɛmɔ belemgbin'n tɩ afunlunmun sʋ. Yɩ́ ahʋnlɩn la asɩ ɔ lɛ ba ɛmɔ anwʋn ɛlɔ ɔ tɩ afunlunmun baa kʋn asʋ.

Zozi nwan: “Ɛhɛlɛ Ɛjɔlɛ nɩn anun ɛjɔlɛ kpɔlɛ ɛhɩ, asʋ ɛmɔ kɩnngalɩ man yɩ́ lé ɔ? Ɛbʋɛ'n mɔ bɛ́ mɔ bɛ lɛ si sua nɩn a ju a tʋ'n, yɩ́ yɛ̂ ɔ'a kaci ayialɩɛ nɩn asʋ ɛbʋɛ cɩnnjɩn kpa nɩn ɔ. Like mɔ yɛ́ Mɩn a yɔ nɩn anɩn. Ɔ tɩ ɛnyɩnmɩan like wɔ yɛ́ nyɩnsʋ! ”

Zozi kɔ han kɔ tʋ sʋ kɛ: “Ɛhɩ ati, mɩɩn kan mɩn kele ɛmɔ kɛ Nyanmɩan Belemgbin Mân'n, bɛ 'tʋa ɛmɔ bɛ de bɛ man menian mɔ b'a nun bɛ́ nwʋn mɔ bɛ bɔ bala m'ɔ sɔ Nyanmɩan anyɩn'n. [