Popular Bible Verses from Jɛnesis 45

Share

Men sa maŋ shin nɛ men be ŋgbene e jija menyi. Menyi alɛ e sa maŋ nya agbo n wora men be amu ŋkpal men ka daŋ fa ma so so, ŋkpal manɛ so, basa be kenya ŋkpa so e shin nɛ Ebɔrɛ juŋkpar n shuŋi ma nfe.

Amoso, mannɛ menyi e bar ma nfe, Ebɔrɛ e bar ma nfe m ba ta ma ŋ ki ewura Fɛɛro be kowu to ebi kikɛ nyam so be enimu nɛ mee ji kuwura Ijipt be efuli so kikɛ.

Ama Ebɔrɛ shin nna nɛ n juŋkpar menyi m ba nfe nɛ m ba bɔla le be ekpa ere so m mɔlga menyi, saŋɛ na so, menyi nɛ men be kanaŋ to ebi maaŋ mur.

Ndoŋ nna nɛ Josɛf kaŋɛ mo daana na: “Men firgi a ba ma kutɔ nfe.” B ka firgi n taga mo to nɛ e kaŋɛ bumo: “Ma, men sipo Josɛf nɛ men daŋ fa n sa Ijiptebi na nna na.

Akoŋ ere ka tɔr kumo be nfɛ anyɔ e kraa la na, kumo alɛ kraŋ ka nfɛ anu. Nfɛ anu na be jemanɛ so basa maaŋ tiŋ n dɔ, a bishi nɛ b duu asɔ ŋko a teŋi.

Kusɔ nɛ Josɛf daŋ kaŋɛ bumo e daa la: “Ma Josɛf nna na. N tuto kraa wɔtɔ a?” Ama mo daana na daa maŋ tiŋ nɛ b sa mo mbe mmalga na be atuwebi, ŋkpal manɛ so kufu daŋ pɛ bumo nna ga ashi mbe anishito.