Popular Bible Verses from Jɛnesis 39

Share

Enyɛnpe na daa wɔ Josɛf kutɔ nna a nɛfa mo ashi kusɔ kama nɛ e bee wora ashi mo nyɛnpe Ijiptnyɛn na be laŋ to.

Josɛf ka daŋ baa juŋkpar kusɔ kama ashi mbe laŋ to so, Potifa daŋ maŋ naa fɔŋ shɛŋ so ama ajibi nɛ e beeŋ ji nawule. Josɛf malɛ daŋ pɔr nɛnɛ nna a walɛ kayɛrbi.

Ndoŋ nna nɛ kabutikenipo na ta basa nɛ b daa wɔ kabuti na to kikɛ nɛ kusɔ kama nyam nɛ k daa wora ndoŋ na m bɔɔ Josɛf enɔ nɛ e bee keni so.

Ndoŋ nna nɛ Josɛf mo nyɛnpe na pɛ mo n ti ebu, kaboŋ nɛ baa ti ewura Fɛɛro be basa lubi ebu na. Enyɛnpe Ebɔrɛ na daa wɔ Josɛf kutɔ ashi kabuti na to gba nna a ŋini mo mbe kasha nseŋ shin nɛ Josɛf be asheŋ bee bɔlɔ kabutikenipo na kenishi.

B wɔtɔ loŋ nɛ Josɛf mo nyɛnpe be eche be kagbene ba kilgi Josɛf so nɛ mbe kayɛlga ba mo so nɛ kaŋɛ Josɛf le: “Ba nɛ an ya di keche nɛ kenyɛn ai.” Nɛ Josɛf kini nseŋ kaŋɛ kache na: “Ŋ ka bee ji kejuŋkpar laŋ ere to ere, n nyɛnpe maŋ naa fɔŋ shɛŋ so, kusɔ kama nɛ e kɔ e ta kumo nna m bɔɔ ma enɔ. Kenimu be kaplɛa so, esa kama maŋ chɔ ma laŋ ere to. N nyɛnpe maa mɔn ma shɛŋ shɛŋ laŋ ere to ama fo nawule nɛ e maŋ ta m bɔɔ ma enɔ, ŋkpal manɛ so, mbe eche e la fo. To, nɛ nuso nɛ meeŋ tiŋ n nya kagbene kpakpaso n wora le be kulubi ŋ gbiti Ebɔrɛ?”

Kachako nɛ Josɛf yɔ laŋ to nɛ e ya shuŋ nɛ laŋ na to be beshumpo na be ekama maŋ wɔtɔ. Ndoŋ nna nɛ kache na ya pɛ Josɛf be kale to a gberge a kaŋɛ mo le: “Shin nɛ an di! Shin nɛ an di!” Ndoŋ nna nɛ Josɛf gbaŋ mbe kale n wɔtɔ kache na be enɔ to nseŋ shile n lar laŋ na to.