Popular Bible Verses from Jɛnesis 17

Share

Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.

Fo ketre malɛ maŋ naa la Eebram. K beeŋ ki Eebraham, ŋkpal manɛ so, n ta fo ŋ ki efuli damtaana be basa bumo tuto nna.

Meeŋ nase ma kɔnɔkoŋwule be ŋkre n sa fo nɛ fo kaman to ebi nɛ bumo alɛ be kaman to ebi mbaanaayɔ. Meeŋ baa la fo nɛ fo kaman to ebi kikɛ be Ebɔrɛ.

“Ma kɔnɔkoŋwule be ŋkre nɛ k wɔ ma nɛ fo be kefɛato e la fanɛ, feeŋ ki efuli damtaana be basa bumo tuto.

Nɛ Ebɔrɛ kaŋɛ: “Ayai, loŋ maaŋ wora, fo eche Sɛɛra e naaŋ kurge ebinyɛn n sa fo nɛ fo nase mo ketre Aizek. Meeŋ shin nɛ ma kɔnɔkoŋwule be ŋkre na e baa wɔ mo ere nɛ mbe kaman to ebi so mbaanaayɔ.

Ade kikɛ be kaman, meeŋ ta Keenan be kasawule mo nɛ men la befɔ ashi kumo so naniere ere n sa fo nɛ k ki fo nɛ fo kaman to ebi be kapetɛ mbaanaayɔ nɛ ma alɛ e baa la bumo be Ebɔrɛ.”

Ndoŋ nna nɛ Eebraham gbir ŋ kurgi kumu n yuu nseŋ fara a mushe a fɛ le: “Enyɛn beeŋ tiŋ n fo nfɛ kalfa nseŋ naŋ tiŋ n nya mbia a? Sɛɛra malɛ beeŋ naŋ tiŋ ŋ kurge kebia saŋɛ nɛ e fo nfɛ adekpanu ere a?”

Kede be kaman nɛ Ebɔrɛ naŋ kaŋɛ Eebraham le: “Sa maŋ kaŋ naa tre fo eche Sɛɛrai kikɛ. Yili kabre a yɔ mbe ketre beeŋ baa la Sɛɛra.

Men be katutuku na e naaŋ ki kɔnɔkoŋwule be ŋkre na be tɔɔnɛ a wɔ ma nɛ menyi be kefɛato.

Ama meeŋ shin nɛ ma kɔnɔkoŋwule be ŋkre na bre e baa wɔ fo pibinyɛn Aizek nɛ Sɛɛra beeŋ kurge kafɛ a ba saŋɛ ere so na so.”

K daga fanɛ menyi to be ebinyɛn kama nɛ e ji nchɛmburwa ka ku kututu. Enyɛn kikɛ nɛ e shi menyi be kanaŋ to daga e ka ku kututu. Ekama nɛ b kurge ashi menyi pe nɛ emo nɛ men ta menyi be amansherbi n tɔ efɔ kikɛ kutɔ gba daga fanɛ b ku mo kututu. Saŋɛ na so ma kɔnɔkoŋwule be ŋkre na be tɔɔnɛ beeŋ baa wɔ menyi be eyur so mbaanaayɔ.