Popular Bible Verses from Damina 27

Share

Ne dencɛ, Ala ye sankolo gɔmiji di i ma ka dugukolo turu di i ma, ka siman ni rɛzɛn di i ma caman. Ala ye jamanaw bla i ta fanga kɔrɔ k’a to siyaw ye na o kinbiri gban i kɔrɔ. Ala ye i kɛ i balemaw matigicɛ ye, k’a to i balemaw ye na o kinbiri gban i kɔrɔ. Ni mɔgɔ min ka i minako juguya, Ala ye o tigi danga; ni mɔgɔ min ka i minako ɲa, Ala ye baraka don o tigi ra.»

Esawu ko: «E! O tuma a tɔgɔ lara minkɛ ko Yakuba, o kosɔn a ka ne janfa fɔ siɲaga fla kɛ? A tɔgɔ bɛnna a ma faasi. A ka ne ta kɔrɔya mina ka o kɛ a yɛrɛ ta ye; sisan, a ka ne ta dugawu fana sonya.» Esawu ko a facɛ ma ko: «O tuma ele ma dugawu dɔ bla ne fana ye wa?»

A facɛ ko: «A flɛ, ele tɛna dugukolo turu sɔrɔ, i tɛna sankolo gɔmiji fana sɔrɔ. I bɛna ɲanamanya i ta kɛrɛkɛmuru le baraka ra. I bɛna kɛ i dɔgɔcɛ ta jɔn ye fana; nka i bɛna to i yɛrɛ ma ka yaala ka lamini, ka i yɛrɛ bɔ a ta jɔnya fanga kɔrɔ.»

Esawu ko a facɛ ma ko: «Baba, o tuma o dugawu kelen dɔrɔn le tun bɛ ele fɛ wa? Dugawu dɔ wɛrɛ kɛ ne ye.» Esawu ka o fɔ minkɛ, a kasira kosɛbɛ.