Popular Bible Verses from Mathais 2

Share

Thaus puab moog rua huv tsev, puab pum tug mivtub hab Malis kws yog tug mivtub ntawd nam, puab txhus caug ndlua pehawm tug mivtub. Puab thau puab tej kub, tej tshuaj tsw qaab, hab tej roj tsw qaab huv puab cov naab lug pub rua tug mivtub.

Yexus yug huv lub nroog Npelehees kws nyob huv cov Yudais lub tebchaws. Lub sijhawm ntawd Helauj ua vaajntxwv kaav tebchaws. Tom qaab ntawd tsi ntev muaj cov tuabneeg kws txawj saib nubqub ob peb leeg tuaj saab nubtuaj tuaj txug huv lub nroog Yeluxalees. Puab nug has tas, “Tug mivtub kws yuav ua cov Yudais tug vaajntxwv nwg yug rua qhov twg? Peb pum nwg lub nubqub kws qha has tas, nwg yug lug lawm tawm tim saab nubtuaj tuaj, peb txhaj tuaj pehawm nwg.”

Thaus Puab pum lub nubqub ntawd, puab zoo sab kawg le.

Mo ntawd puab ua npau suav pum Vaajtswv lug has rua puab tas, kuas puab moog lwm txujkev moog tsev, tsi xob rov moog qha rua Helauj. Thaus cov tuabneeg txawj saib nubqub rov moog lawm, Yauxej ua npau suav pum tug Tswv ib tug timtswv lug has rua Yauxej has tas, “Koj ca le sawv hab coj tug mivtub hab nwg nam tsiv moog rua nraag tebchaws Iziv, hab nyob nraag moog txug thaus kws kuv kuas mej moog rua lwm qhov. Rua qhov Vaajntxwv Helauj taabtom nrhav tug mivtub nuav tua povtseg.”