Popular Bible Verses from Malakis 3

Share

Mej yuavtsum nqaa tej kws mej muaj ib feem kaum tuaj tso rua huv lub Tuamtsev, txhaj le muaj noj muaj haus nplua mag nyob rua huv. Mej sim ua lawv le kuv has saib, mej yeej yuav pum kuv qheb rooj ntug nchuav koob moov ntau nplua mag lug rua mej.

Kuv yuav tsi pub kaab hab kooj noj mej tej qoobloo, hab mej tej txiv maab yuav txi txiv ncw. Thaus ntawd txhua tsaav tuabneeg yuav hu mej ua cov tuabneeg kws tau koob moov, rua qhov mej lub tebchaws yog lub kws tau zoo noj tau zoo nyob.”

Tug TSWV kws muaj Fwjchim Luj kawg nkaus has tas, “Puab yuav yog kuv tsaav tuabneeg. Thaus txug nub kws kuv lug ua kuv teg num, puab yuav yog kuv tug. Kuv yuav hlub puab ib yaam le leej txiv hlub nwg tug tub kws tu nwg ntaag. Kuv tsaav tuabneeg yuav pum cov tuabneeg ncaaj nceeg hab cov tuabneeg ua phem ua qas dlua ib zag ntxiv saib sis txawv le caag, cov tuabneeg kws ua kuv teg num hab cov tuabneeg kws tsi ua txawv le caag.”

Tug TSWV kws muaj Fwjchim Luj kawg nkaus teb has tas, “Kuv yuav khaiv kuv ib tug tubkhai ua ntej moog khu kev tog kuv. Thaus ntawd tug TSWV kws mej naj nub tog yuav lug rua huv nwg lub Tuamtsev. Tug tubkhai kws mej xaav pum lug ntev lawm, yuav lug hab tshaajtawm kuv tej lug cog tseg.”