Popular Bible Verses from Lukas 19

Share

Tuabneeg leej Tub yeej lug nrhav cov tuabneeg kws yuam kev lawm hab cawm kuas puab dlim.”

“Thov Vaajtswv foom koob moov rua tug vaajntxwv kws Vaajtswv khaiv lug! Thov kuas sau ntuj muaj kev kaaj sab lug, hab kuas suavdlawg fwm Vaajtswv tug kws muaj tshwjchim ci ntsaa ab!”

Yexus has tas, “Nub nua txujkev cawm dlim tub lug rua huv tug txivneej nuav lub tsev lawm. Tug txivneej nuav yog Anplahaas ib tug xeebntxwv hab.

Thaus Yexus tuaj txug ntawd, Yexus tsaa qhovmuag saib hab has rua Xakhais has tas, “Xakhais, koj ca le nqeg lug, rua qhov nub nua kuv yuav moog su huv koj tsev.” Xakhais txawm nqeg nrawm nroog lug tog txais Yexus, hab zoo sab kawg le.

Xakhais sawv ntsug hab has rua Yexus has tas, “Tug Tswv, koj noog kuv has! Kuv yuav muab tej kws kuv muaj ib nraab faib rua cov tuabneeg pluag. Hab yog kuv tau muab leejtwg ib yaam dlaabtsi lug yuav lawm, kuv yuav them plaub npaug rov qaab rua tug ntawd.”

Cov Falixais qee leej kws nrug cov tuabneeg coob coob ntawd has rua Yexus has tas, “Xwbfwb, koj has kuas koj cov thwjtim nyob tuabywv!” Yexus teb puab has tas, “Kuv qha rua mej has tas, yog puab cov nuav nyob tuabywv lawm, tej pobzeb yeej yuav qw.”