Popular Bible Verses from Tegnum 5

Share

Petus hab cov timthawj teb tas, “Peb yuavtsum noog Vaajtswv lug, tsi yog noog tuabneeg lug.

Puab najnub qha Txuj Moo Zoo kws has txug Yexus kws yog tug Mexiyas rua suavdlawg noog nyob rua huv lub Tuamtsev hab huv tuabneeg tej vaaj tej tsev.

Petus has rua nwg has tas, “Ananias, uacaag koj ca Xataas kaav koj lub sab es ua rua koj cale dlaag Vaaj Ntsujplig tug Dlawbhuv lug ntawm qhov kws koj muab koj thaaj aav muag hab cale khaws ib qho nyaj ntawd ca lawm? Thaus koj tsi tau muag koj thaaj aav, thaaj aav ntawd yeej yog koj le; thaus koj muab muag lawm, cov nyaj ntawd yeej yog koj le hab. Uacaag koj yuav muaj lub sab ua le ntawd? Tsi yog koj dlaag tuabneeg, tabsis yog koj dlaag Vaajtswv!” Thaus Ananias nov Petus has le ntawd, nwg txawm qaug ntawg hab tuag kag lawm; txhua tug kws nov zaaj nuav, suavdlawg ntshai kawg le.

“Yogle ntawd, kuv has rua mej has tas, nyob rua zaaj taamsim nuav los mej yuavtsum tsi xob ua lecaag rua puab cov nuav, ca puab nyob puab zoo dlua. Yog tas tej kws puab npaajsab yuav ua hab tej kws puab tub ua taag lug ntawd yog tuabneeg le dlejnum xwb, tes tej ntawd yeej yuav pluj moog, tabsis yog tas yog Vaajtswv le dlejnum, tes mej yuav kov tsi yeej puab le. Tseem ntshai nyobtsaam yog mej tawmtsaam Vaajtswv hab!” Cov thawjcoj huv Koomhum qebsab txhaj pumzoo lawvle Nkamaliyees has.